شەشەنستان حالقىنا قارسى يدەولوگيالىق سوعىس ءجۇرىپ جاتىر

شەشەنستان پرەزيدەنتى رامزان كادىروۆ شەشەن حالقىنا قارسى اقپاراتتىق جانە يدەولوگيالىق سوعىس ءجۇرىپ جاتىر دەپ مالىمدەدى.

«قازىرگى ۋاقىتتا شەشەنستان حالقىنا قارسى جوسپارلى تۇردە اقپاراتتىق جانە يدەولوگيالىق سوعىس ءجۇرىپ جاتىر. ءبىز وسى ۋاقىتقا دەيىن تەرروريستەرمەن سوعىسۋ قيىن دەپ كەلگەنبىز. بىراق شىندىعىنا كەلگەندە كوزگە كورىنبەيتىن، كىم شابۋىلداپ جاتقانىن بىلمەيتىن بەلگىسىز ءبىر توپپەن كۇرەسكەن الدە قايدا قيىن» - دەپ جازادى رامزان كادىروۆ شەشەنستان ۇكىمكەتىنىڭ رەسمي سايتىندا.

رامزان كادىروۆتىڭ سوزىنشە، شەشەنستانعا اقپاراتتىق جانە يدەولوگيالىق شابۋىل جاساۋشىلارعا شەشەن حالقىنىڭ ۇلتتىق ۇستانىمدارى، ۇلتتىق مەملەكەت قۇرۋعا جاساپ جاتقان تالپىنىستارى ۇنامايدى. سول سەبەپتى ولار شەشەن حالقىن جويىپ جىبەرۋ جانە السىرەتۋ ءۇشىن وسىنداي يدەولوگيالىق شابۋىلدار جاسايدى.

“The Qazaq Times”