فوتو: AFP, Justin Tallis

S&P Global Ratings (S&P) حالىقارالىق رەيتينگ اگەنتتىگى ۇلىبريتانيانىڭ ەۋروپالىق وداقتان شىعۋ تۋرالى شەشىمىنە بايلانىستى 2017-2018 جىلدارعا ارنالعان ەكونوميكالىق ءوسىمى رەيتينگىن ناشارلاتتى. 

سونىمەن وسى جىلى الدىن الا بولجام بويىنشا ەلدىڭ ەكونوميكالىق ءوسىمى 1,4 پايىز بولادى. بۇدان بۇرىن بولجام 1,7 پايىز دەڭگەيىندە بولعان. ال 2018 جىلعا ارنالعان بولجام 1,2 پايىزدان 0,9 پايىزعا دەيىن تومەندەتىلدى.

"ۇلىبريتانيانىڭ ەكونوميكالىق ءوسىمى الداعى ەكى جىلدا باسەڭدەۋى مۇمكىن. ءبىزدىڭ بولجاۋىمىزشا، ەكسپورتتىڭ تازا ءوسىمى فۋنت ستەرلينگتىڭ قۇنسىزدانۋىنا بايلانىستى ىشكى ءالسىز سۇرانىستى قامتاماسىز ەتە المايدى", - دەگەن مالىمەت كەلتىرەدى اگەنتتىك.

S&P ۇلىبريتانيانىڭ مونەتارلى ساياساتىنا، ياعني باس رەتتەۋشى بانكتىڭ پايىزدىق مولشەرلەمەگە قاتىستى شەشىمىنە قاراماستان ەلدىڭ ەكونوميكالىق ءوسىمى زارداپ شەگەدى.

"جوعارعى پايىزدىق مولشەرلەمە جانە ينفلياتسيا ەكونوميكالىق بەلسەندىلىكتى تومەندەتەدى. فۋنت ستەرلينگ قۇنسىز بولماعان كۇننىڭ وزىندە Brexit كەلىسسوزى حالىقتىڭ ىسكەرلىك بەلسەندىلىگىنە اسەر ەتەدى ", - دەپ تۇسىندىرەدى اگەنتتىك.

ال انگليانىڭ ورتالىق بانكى بولسا 2017 جىلى ەكونوميكالىق ءوسىم 2017 جىلى 1,9 پايىز، 2018 جىلى 1,7 پايىز، 2019 جىلى 1,8 پايىز بولادى دەگەن بولجام جاساپ وتىر.

“The Qazaq Times”