ۇلكەن 20 توبى ءسامميتى كەزىندە گامبۋرگتە قاۋىپسىزدىك قىزمەتكەرلەرى كوبەيتىلدى. فوتو: Reuters UK.

الەم ەلدەرىنىڭ «ۇكەن 20 توبىنىڭ» ءسامميتى 7-8 شىلدە كۇنى گەرمانيانىڭ گامبۋرگ قالاسىندا وتەتىن بولىپ بەكىتىلگەن. كەزەكتى ۇلكەن جيىرمالىق توپتىڭ ءسامميتىنىڭ باستى تاقىرىپتارى رەتىندە ساۋدا-ەكونوميكا، قورشاعان ورتا جانە بوسقىندار تاقىرىبى تالقىعا سالىنباق. بۇل تۋرالى قىتايدىڭ شينحۋا اقپاراتتىق اگەنتتىگى حابارلاپ وتىر.

گەرمانيا ۇكىمەتى سامميت كەزىندەگى قاۋىپسىزدىكتى قامتاماسىز ەتۋ ماقساتىندا شەنگەن جەڭىلدىگى ۋاقىتشا توقتاتىلاتىنىن مالىمدەدى. دابىرالى جيىن وتەتىن مەزگىلدە گامبۋرگ قالاسىندا نەشە مىڭداعان پوليتسيا قىزمەتكەرى قاۋىپسىزدىك قىزمەتىنە تارتىلماق. ەكى كۇن بۇرىن گەرمانيا ۇكىمەتىنىڭ مالىمدەمەشىسى سوزىندە گامبۋرگ قالاسى جانە سامميت وتەتىن ايماقتى تولىقتاي قاۋىپسىز ايماق دەپ مالىمدەدى.

گامبۋرگتە وزگە جيىن مەن الەۋمەتتىك ءىس-شارالارعا تيىم سالىندى. گەرمانيانىڭ قاۋىپسىزدىك كۇشتەرىنە قوسا گوللانديا مەن اۆستريا قاۋىپسىزدىك قىزمەتكەرلەر توبى دا شارانىڭ قاۋىپسىز وتۋىنە قولداۋ كورسەتپەك. سامميت كەزىندە قالا ورتالىعى تولىقتاي جابىق ايماققا اينالادى.

“The Qazaq Times”