قىتاي-اقش اراسى سالقىندادى: ەكى ەل باسشىلارى قايتالاي كەزدەسپەك

اقش پرەزيدەنتى دونالد ترامپ بىرنەشە كۇننەن كەيىن قىتاي باسشىسى شي جينپيڭمەن (سي تسزينپين) ەكىنشى مارتە كەزدەسپەك. ازىرگە دەيىن قىتاي ۇكىمەتى ەكى ەل باسشىلارىنىڭ العاشقى كەزدەسۋ كەلىسىمدەرىنىڭ بۇزىلىپ وتىرعانىن ايىپتاپ وتىر. بۇل تۋرالى اقش-تىڭ «The Wall Street Journal» باسىلىمى حابارلاپ وتىر.

سوڭعى كەزدەگى اقش-تىڭ تايۋانعا (تايۆان) قارۋ ساتىپ بەرۋى، قىتايدىڭ سولتۇستىك كورەياعا بايلانىستى كومپانيالارى مەن بانكتەرىنە جاسالعان بىرجاقتى سانكتسيالار ەكى ەل اراسىنداعى قارىم-قاتىناستى سالقىنداتىپ جىبەرگەن بولاتىن.

قىتاي ءسىم-ءنىڭ مالىمدەمەشىسى لۋ كاڭ (Lu Kang) سوزىندە، قىتاي جاقتىڭ اقش-قا تايۆانعا ساتىلاتىن قۇنى 1 ملرد 420 ملن دوللار تۇراتىن قارۋ-جاراق ءىسى تۋارلى كەڭەسۋ تالابىن جولداعان. دەگەنمەن، شي جينپيڭ گەرمانيانىڭ گامبۋرگ قالاسىنداعى جيىرمالىق توبىنىڭ (Group of 20) سامميتىندە ەكىجاقتى كەزدەسۋ وتىرىسىن وتكىزبەك.

لۋ كاڭ اقش-تىڭ بىرجاقتى سانكتسيالارى مەن تايۆانعا قارۋ-جاراق ساتۋى «مۇلدە تەرىس امال» دەپ كورسەتتى. ول سوزىندە: «اقش ۇكىمەتىنىڭ بۇل ارەكەتى ەكى ەل باسشىلارىنىڭ ءساۋىر ايىندا فلوريداداعى مار-ا-لاگو ساياجايىندا قول جەتكىزگەن پروگرەسكە ساي كەلمەيدى. ءبىز اقش ۇكىمەتى ءوزىنىڭ قاتەلىگىن تۇزەتەدى دەپ ۇمىتتەنەمىز. بۇل بولاشاقتاعى تۇراقتى ءارى باياندى اقش-قىتاي قارىم-قاتىناسىنىڭ ماڭىزدى ءبىر كەزەڭى»، – دەدى.

“The Qazaq Times”