قىتاي باسشىسىنىڭ ساپارىنا وراي گونكونگتە قارسىلىق شارالارى كوبەيدى

قحر توراعاسى شي جينپيڭ گونكونگتىڭ قىتايعا قايتارىلعانىنا 20 جىل تولۋىنا وراي وتكىزىلەتىن مەرەي تويعا قاتىسۋىنىڭ الدىندا، گونكونگ پوليتسەيلەرى سارسەنبى كۇنى «جين زىجيڭ» (金紫荆/ Jin Zijing) الاڭىندا ەرەۋىل جاساعان بىرنەشە دەموكراتيانى قولدايتىن بەلسەندىلەردى تۇتقىندادى. بۇل تۋرالى «The Wall Street Journal» باسىلىمى حابارلاپ وتىر.

قاتىستى ادامداردىڭ بەرگەن مالىمەتىنە سۇيەنسە، گونكونگ حالىق قوزعالىسى پارتياسىنىڭ ۇيىمداستىرۋشىسى حۋاڭ جىفىڭ مەن لو گۋانسوڭ دا بۇل رەتكى تۇتقىندالعاندار اراسىندا بار. گونكونگ حالىق قوزعالىسى 2014 جىلى وڭىردە كەڭ كولەمدى نارازىلىق شاراسىن ۇيىمداستىرعان بولاتىن. ول كەزدە اتالعان پارتيا ۇيىمداستىرعان ەرەۋىل 79 كۇنگە ۇلاسقان.

1997 جىلى ۇلىبريتانيا گونكونگتى قىتايعا قايتارۋ كەلىسىمىنە قول قويعان بولاتىن. سونداعى كەلىسىم بويىنشا، 2047 جىلعا دەيىن گونكونگ قالاسى اۆتونوميالى ەرەكشە اكىمشىلىك رەگيونى بولىپ سانالادى دەلىنگەن. الايدا، رەسمي بەيجىڭنىڭ جوعارى حالىق كەڭەسى گونكونگتى باسقارۋعا ارالاسقانى ءۇشىن، ونداعى دەموكراتيانى جاقتاۋشىلاردىڭ قارسىلىعىنا ۇشىراپ كەلەدى.

“The Qazaq Times”