فوتو: Kursiv.kz
2016 جىلى الماتى حالىقارالىق اۋەجايى 3,1 ملرد تەڭگە كولەمىندە تابىسقا يە بولدى جانە بۇل 2015 جىلمەن سالىستىرعاندا 5,1%-عا تومەن.

اۋەجايدىڭ قىزمەت كورسەتۋ جانە تاۋارلاردى وتكىزۋدەن تۇسكەن كىرىسى 13,4%-عا ءوسىپ، 44,6 ملرد تەڭگەدەن 50,6 ملرد تەڭگەگە دەيىن كوتەرىلدى. الايدا جالپى تابىس 3,5%-عا تومەندەپ، 10,2 ملرد تەڭگە دەيىن ءتۇستى. وپەراتسيالىق ءتۇسىم وتكەن جىلى 22,6%-عا قىسقارىپ، 4,8 ملرد تەڭگەنى قۇرادى.

سالىق تولەنگەنگە دەيىنگى تابىس 3,9 ملرد تەڭگەدەن 4,2 ملرد تەڭگەگە دەيىن ارتقان (5,6%). اكتسيادان تۇسكەن ءتۇسىم جىل قورىتىندىسى بويىنشا 39,6 مىڭ تەڭگەنى قۇرادى، ال ءبىر جىل بۇرىن 41,7 مىڭ تەڭگە بولعان.

كومپانيا اكتيۆتەرى 2016 جىلدىڭ 31 جەلتوقسانىندا 69,7 ملرد تەڭگە بولدى جانە ءبىر جىلدا 2,3%-عا قىسقاردى. سونداي-اق، كاپيتال 2016 جىلى  5,5%-عا نەمەسە 59,3 ملرد تەڭگەگە، ال مىندەتتەر 31,5%-عا، 15,2 ملرد تەڭگەگە دەيىن قىسقاردى.

“The Qazaq Times”