قىتاي تاعى دا اقش-تى ۇمىتسىزدەندىردى

اقش ۇكىمەتى سەيسەنبى كۇنى جاريالاعان الەمدەگى حالىق ساۋداسىن باعالاۋ تۋرالى ەسەپتە قىتايدى قاتتى سىنعا الدى. بۇل ەڭ الدىمەن قىتاي مەن اقش اراسىنداعى شيەلەنىس تۋدىرۋى مۇمكىن دەپ كۇتىلۋدە. بۇل تۋرالى “The Wall Street Journal” باسىلىمى حابارلاپ وتىر.

اقش مەملەكەتتىك دەپارتامەنتى شىعارعان بۇل ەسەپ كورسەتكىشتە قىتاي قولداۋىنداعى ءماجبۇرلى ەڭبەككە تارتۋ، جىنىستىق ساۋدا، قىتايداعى سولتۇستىك كورەيا ازاماتتارىنىڭ زارداپ شەگۋى قاتارلى دەرەكتەرى ەگجەي-تەگجەيلى كورسەتىلگەن. اقش بۇل ىستەن الاڭداۋشىلىق ءبىلدىرىپ وتىر. بۇل الداعى ۋاقىتتاردا ەكى ەل اراسىنداعى جاڭا شيەلەنىستى تۋدىرۋى مۇمكىن. سولتۇستىك كورەيانىڭ يادرولىق جانە زىمىران قۋاتىن شەكتەۋدە قىتايمەن سەلبەستىك ورناتىپ وتىرعان اقش ءۇشىن بۇل ۇلكەن ۇمىتسىزدىك الىپ كەلدى. بۇل ءتىپتى تۇبەك ماسەلەسىنىڭ شەشىم تابۋىنا دا اسەر ەتەدى.

ەسەپتە قىتايدىڭ رەيتينگى ءۇشىنشى ورىنعا دەيىن تومەندەگەن. بۇل ەسەپتىك كورسەتكىشكە يران، سولتۇستىك كورەيا، رەسەي جانە ءسۇريا دا كىرەدى. وتكەن جىلعى قىتايدىڭ بۇل كورسەتكىشى ەكىنشى ورىندا تۇرعان. باعالاۋعا 188 ەل قاتىسقان. مالىمەتتەر 2016 جىلدىڭ ءساۋىر ايىنان، 2017 جىلدىڭ ناۋرىز ايىنا دەيىنگى دەرەكتەر توپتاستىرىلعان.

“The Qazaq Times”