فوتو: Scout.com.

رەسەي سىرتقى ىستەر مينيسترلىگى وتكەن اپتانىڭ سوڭىندا حابارلاما جاريالاپ، بەلگىسىز تىكۇشاقتاردىڭ اۋعانستاننىڭ شىعىسىنداعى دايش ۇيىمىنىڭ قارۋلى توبىن تاسىمالداعانىن ايتتى. سونىمەن بىرگە بۇل بەلگىسىز تىكۇشاقتار دايش-تىڭ اۋعانستانداعى بولىمشەسىنە كوپ مولشەردە قارۋ-جاراق جەتكىزىپ بەرگەنى تۋرالى دەرەكتەرگە يە بولعانىن ءمالىم ەتتى. بۇل تۋرالى «پارس» اقپارات اگەنتتىگى ءوز سايتىندا حابارلاعان بولاتىن.

رەسەي ءسىم مالىمدەمەشىسى ماريا زاحاروۆا اۋعانستاننىڭ نانگارحار وبلىسىنداعى تورا-بورا ستراتەگيالىق ايماعىن دايش لاڭكەستىك توبى باسىپ الۋدان بۇرىن، وسى ايماقتان رەسەي تارابى يەلەگەن اقپارلاردى جاريا ەتتى. وندا تورا-بوراداعى لاڭكەستىك كۇشتەردى كۇشەيتۋ ءۇشىن ءبىر بەلگىسىز تىكۇشاق 50 ادامدىق لاڭكەستەر توبىن وسىندا تاسىپ اكەلگەن. سونىمەن بىرگە تولتىرا قارۋ-جاراق، وق-ءدارى تيەلگەن كونتەينەر دايش بەكىنىسىنە تاعى ءبىر بەيمالىم تىكۇشاقپەن جەتكىزىلگەن.

رەسەي ءسىم مالىمدەمەشى سوزىندە بۇل بەلگىسىز تىكۇشاقتار ءۇشىن اقش بيلىگى جاۋاپ بەرۋى كەرەك دەپ ەسكەرتتى.

“The Qazaq Times”