يراك ۇكىمەتى دايش-تى جويۋدىڭ جوسپارىن ازىرلەپ وتىر

يران پرەمەر-ءمينيسترى ارناۋلى حابارلاما جاريالاپ، دايش ۇيىمىن جويۋدىڭ جوسپارىن جاساپ شىققاندارىن مالىمدەدى. ياعني، يراك ۇكىمەت ارمياسى ارقىلى تىكەلەي اسكەري جاقتان السىرەتىپ، قاۋقارسىز توبىرعا اينالدىرىپ، دايش-تى ءتۇپ-تامىرىمەن جويۋدىڭ جوسپارىن ءتۇزىپ شىققان. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

يراك پرەمەر-ءمينيسترى حايدەر ءال-ابادي بۇل جوسپارلارى تۋرالى يراكتىڭ ورتالىق قالاسى باعداتتىڭ ءال-كارادە كوشەسىندەگى لاڭكەستىك شابۋىلدان قازا بولعان قۇربانداردىڭ تۋىس-تۋعاندارىمەن جولىققاندا ءسوز ەتكەن. ول سوزىندە: «ءبىز قاۋىپسىزدىك كۇشتەرىمىز دايش-تى جويۋ ءۇشىن دايىندالىپ جاتىر. كوپ ۇزاماي ءبىز دايش-تى اسكەري جاقتان السىرەتىپ جويۋ سىندى جوسپارىمىزدى ىسكە قوسامىز. بۇل تەررورلىق ۇيىمدى جويۋدىڭ بىردەن ءبىر امالى»، – دەدى.

دايش كۇشتەرى يراكتىڭ ەكىنشى ۇلكەن قالاسى موسۋلدى باسىپ الىپ، سول ارادا بەكىنگەنىنە بىرنەشە جىل بولعان. وتكەن جىلدىڭ قازان ايىنان باستالعان موسۋلدى قايتارىپ الۋ شايقاسى سەگىز ايعا جالعاسىن تاپتى. سوڭعى مالىمەتتەردە 6 مىڭ دايش سودىرلارىنان 300 ادام قالدى دەلىنگەن.

“The Qazaq Times”