وڭتۇستىك كورەيانىڭ بۇرىنعى پرەزيدەنتىنىڭ قۇربىسى تسوي سۋن سيل سوتتالدى

سەۋل سوتى وڭتۇستىك كورەيانىڭ بۇرىنعى پرەزيدەنتى پاك كىن حەنىڭ قۇربىسى تسوي سۋن ءسيلدى 3 جىلعا باس بوستاندىعىنان ايىردى.

وسى ۋاقىتقا دەيىن تسوي سۋن ءسيلدىڭ ۇستىنەن 13 قىلمىستىق ءىس قوزعالعان. بىراق، سەۋل سوتى سونىڭ بىرەۋى بويىنشا عانا تسوي سۋن ءسيلدى 3 جىلعا سوتتاعان. ال قالعان 12 قىلمىستىق ءىس ءالى تەكسەرىلۋ ۇستىندە.

ەستەرىڭىزگە سالايىق وڭتۇستىك كورەيانىڭ بۇرىنعى پرەزيدەنتى پاك كىن حەمەن ونىڭ قۇربىسى تسوي سۋن ءسيلدىڭ جەمقورلىققا بايلانىستى شۋى 2016 جىلدىڭ قازان ايىندا باستالعان بولاتىن. ال ناۋرىزدىڭ 10 كۇنى وڭتۇستىك كورەيا كونستيتۋتسيالىق سوتىنىڭ شەشىمىمەن پاك كىن حە قىزمەتىنەن بوساتىلىپ، مامىردىڭ 9 كۇنى ەلدە پرەزيدەنت سايلاۋى ءوتىپ مۋن چجە ين جەڭىسكە جەتكەن بولاتىن.

 “The Qazaq Times”