Оңтүстік Кореяның бұрынғы президентінің құрбысы Цой Сун Силь сотталды

Сеул соты Оңтүстік Кореяның бұрынғы президенті Пак Кын Хеның құрбысы Цой Сун Сильді 3 жылға бас бостандығынан айырды.

Осы уақытқа дейін Цой Сун Сильдің үстінен 13 қылмыстық іс қозғалған. Бірақ, Сеул соты соның біреуі бойынша ғана Цой Сун Сильді 3 жылға соттаған. Ал қалған 12 қылмыстық іс әлі тексерілу үстінде.

Естеріңізге салайық Оңтүстік Кореяның бұрынғы президенті Пак Кын Хемен оның құрбысы Цой Сун Сильдің жемқорлыққа байланысты шуы 2016 жылдың қазан айында басталған болатын. Ал наурыздың 10 күні Оңтүстік Корея конституциялық сотының шешімімен Пак Кын Хе қызметінен босатылып, мамырдың 9 күні елде президент сайлауы өтіп Мун Чжэ Ин жеңіске жеткен болатын.

 “The Qazaq Times”