اقش ۇكىمەتى اراب ەلدەرى اراسىنداعى داۋدى ورشىتە ءتۇستى

اقش پەن كاتار وننەشە  بوينگ F-15 جويعىش ۇشاقتارىن كاتارعا ساتىپ بەرۋدىڭ الدىن الا كەلىسىمىنە قول قويعان. بۇل قادام ترامپ ۇكىمەتى ءۇشىن اراب مەملەكەتتەر اراسىنداعى داۋدى ودان ارمان ءورشىتۋ ءۇشىن جاساپ وتىرعانى ايدان انىق. بۇل تۋرالى تانىمال باسىلىم «The Wall Street Journal» باسىلىمى حابارلايدى.

كاتاردىڭ قورعانىس ءمينيسترى كەلىسىمشارتتىڭ قۇنىن 12 ملرد اقش دوللارى دەپ باعالادى. بۇعان اقش-تا 60 مىڭ جاڭا جۇمىس ورىن اشىلادى. ەكى ەل وكىلدەرىنىڭ ايتۋىنشا كەلىسىمشارتقا قول قويۋعا اقش قورعانىس ءمينيسترى مەتتيس پەن كاتار سىرتقى ىستەر ءمينيسترى حالليت ءال-اتتياھ سارسەنبى كۇنى قول قويعان. كاتار جاقتىڭ قورعانىس وكىلدەرىنىڭ بەرگەن مالىمەتىندە، بۇل ىنتىماقتاستىق ەكى جاقتىڭ اسكەري ىستەردەگى ىنتىماقتاستىعى عانا ەمەس، امەريكالىقتاردىڭ جاڭا جۇمىس ورىندارىن ورتاق كوبەيتىپ، ەكونوميكالىق سەلبەستىك ورناتۋدىڭ ۇزاق مەرزىمدىك سەلبەستىگى دەپ كورسەتتى.

ساۋد ارابياسى باستاعان جەتى اراب مەملەكەتى وتكەن اپاتادا كاتار مەن ديپوماتيالىق قاتىناستارىن ءۇزىپ، اۋە جانە تەڭىز جولدارىن كەسىپ تاستاعان بولاتىن. ولار كاتاردى تەرروريستىك ۇيىمداردى قولداپ وتىر دەپ ايىپتاعان. الايدا، بۇل اڭگىمەنىڭ باسى ودان بىرەر اپتا بۇرىنعى ساۋد ارابياسىنا جاساعان اقش پرەزيدەنتىنىڭ ساپارىنان باسالسا كەرەك. ال بۇگىنگى كاتارمەن بولعان كەلىسىم، اراب ەلدەرى اراسىنداعى داۋدى ورشىتپەسە باسپايتىنى انىق.

“The Qazaq Times”