ءبىر اي ىشىندەگى ءتورت رەتكى زىمىران سىناعى سولتۇستىك كورەيا قۋاتىن ارتتىردى

سولتۇستىك كورەيانىڭ جاريالاعان ارنايى مالىمدەمەسىندە، بەيسەنبى كۇنى سىناقتان وتكىزگەن قاناتتى زىمىراننىڭ اقش-تىڭ كورەي تۇبەگى ماڭىنداعى اۆياماتكالارى مەن سۋ استى كەمەلەرىنە قاراتقان جاۋاپ ەكەنىن ايتتى. ءارى، سىناقتان وتكىزگەن قاناتتى زىمىراننىڭ كەز-كەلگەن سۋ ءۇستى اسكەري تەحنيكالارىن قيراتۋعا قابلەتتى ەكەنىن ەسكەرتتى. بۇل تۋرالى امەريكالىق تانىمال باسىلىم  “The Wall Street Journal” باسىلىمى حابارلاپ وتىر.

ءبىر ايعا جەتپەيتىن ۋاقىتتا سولتۇستىك كورەيا ءتورت رەت زىمىران سىناعىن جاسادى. وسىدان كەيىن سولتۇستىك كورەيا بالليستيكالىق زىمىرانداردىڭ قۋاتتى كۇشىنە جەتپەدى دەپ ايتۋ قيىن. ايتالىق يادرولىق وقتى تاسىمالداۋشى زىمىران، زىمىران قوندىرعىسى بار كولىكتەردەن زىمىران اتۋ، سۋ ءۇستى اسكەري تەحنيكاسىنا قارسى قاناتتى زىمىران قاتارلىلار. وعان قوسا، زىمىران تاسىمالداۋشى كولىكتەردىڭ ءتۇرلى جاعدايلارعا قابىلەتتىلىگىن ارتتىرۋ سىناقتارى دا بار.

كورەيا ورتالىق اقپارات اگەنتتىگىنىڭ بۇگىن تاڭەرتەڭ جاريالاعان حابارىنا قارعاندا، كەشەگى زىمىران سىناعى ۋونسان قالاسى ماڭىنداعى تەڭىز جاعالاۋىندا جاسالعان. ءارى، بۇل جولى دا كحدر ەڭ جوعارى باسشىسى كيم جوڭ ۋن (كيم چەن ىن) سىناق بارىسىن كوزدەن كەشىرگەن. سىناقتان كەيىن بۇل جاڭا زىمىرانداردىڭ كورەي شىعىس تەڭىزىندەگى جاۋ كەمەلەرىنە سوققى بەرەۋدا اسا ماڭىزدى دەپ اتاپ وتكەن.

اقش پەن جاپونيا جاق جاڭا قاناتتى زىمىراندار سىناعىنان كەيىن سولتۇستىك كورەيا بالليستيكالىق زىمىراندار قۋاتىنىڭ ارتقانىن ايتىپ الاڭداۋشىلىق ءبىلدىردى.

“The Qazaq Times”