KHDR Eñ joğarı basşısı Kim Joñ Un. Foto: The Wall Street Journal.

Soltüstik Koreyanıñ jariyalağan arnayı mälimdemesinde, beysenbi küni sınaqtan ötkizgen qanattı zımırannıñ AQŞ-tıñ Korey tübegi mañındağı aviamatkaları men su astı kemelerine qaratqan jauap ekenin ayttı. Äri, sınaqtan ötkizgen qanattı zımırannıñ kez-kelgen su üsti äskeri tehnikaların qiratuğa qabletti ekenin eskertti. Bwl turalı amerikalıq tanımal basılım  “The Wall Street Journal” basılımı habarlap otır.

Bir ayğa jetpeytin uaqıtta Soltüstik Koreya tört ret zımıran sınağın jasadı. Osıdan keyin Soltüstik Koreya ballistikalıq zımırandardıñ quattı küşine jetpedi dep aytu qiın. Aytalıq yadrolıq oqtı tasımaldauşı zımıran, zımıran qondırğısı bar kölikterden zımıran atu, su üsti äskeri tehnikasına qarsı qanattı zımıran qatarlılar. Oğan qosa, zımıran tasımaldauşı kölikterdiñ türli jağdaylarğa qabilettiligin arttıru sınaqtarı da bar.

Koreya Ortalıq Aqparat agenttiginiñ bügin tañerteñ jariyalağan habarına qarğanda, keşegi zımıran sınağı Uonsan qalası mañındağı teñiz jağalauında jasalğan. Äri, bwl jolı da KHDR eñ joğarı basşısı Kim Joñ Un (Kim Çen In) sınaq barısın közden keşirgen. Sınaqtan keyin bwl jaña zımırandardıñ Korey şığıs teñizindegi jau kemelerine soqqı bereuda asa mañızdı dep atap ötken.

AQŞ pen Japoniya jaq jaña qanattı zımırandar sınağınan keyin Soltüstik Koreya ballistikalıq zımırandar quatınıñ artqanın aytıp alañdauşılıq bildirdi.

“The Qazaq Times”