رەسەي استاناسى ماسكەۋدە داۋىلدان 11 ادام كوز جۇمدى دەپ حابارلايدى ۆۆس اقپارات قىزمەتى.

ماسكەۋ قالاسىنىڭ دەنساۋلىق ساقتاۋ دەپارتامەنتىنىڭ مالىمەتىنشە مامىردىڭ 29 كۇنى سوققان داۋىلدان 70 ادام زارداپ شەگىپ، 11 ادام كوز جۇمعان.

ريا نوۆوستي اقپارات اگەنتتىگىنىڭ ايتۋىنشا ماسكەۋدە داۋىلدان 600 اعاش قۇلاعان. ال يتەرفاكس وپىرىلىپ تۇسكەن اعاشتاردىڭ سانى 1000 اساتىنىن جازعان.

ماسكەۋدە سوققان الاپان داۋىلدان كەيىن رەسەي فەدەراتسياسىنىڭ توتەنشە جاعدايلار مينيسترلىگى داۋىلدى جاۋىن رەسەيدىڭ شىعىسى مەن پريۆولجە اۋماعىندا ءالى ەكى كۇن بويىن تۇراتىنىن ەسكەرتكەن.

فوتو: ۆۆس

ال ماسكەۋ حالقى رف تجم 29 مامىردا دۇلەي داۋىلدىڭ سوعاتىنى جايىندا ەشقانداي ەسكەرتۋ جاساپ سمس حاتتارىن جىبەرمەگەندىگىن ايتىپ، الەۋمەتتىك جەلىلەردە ءوز نارازىلىقتارىن بىلىدگەن.  بۇل ايىپتاۋعا رف تجم مەن جەرگىلىكتى ۇيالى بايلانىس وپەراتورلارى ەسكەرتۋ سمس-تەرىن جىبەرگەندەرىن ايتىپ اقتالعان.

“The Qazaq Times”