Ресей астанасы Мәскеуде дауылдан 11 адам көз жұмды деп хабарлайды ВВС ақпарат қызметі.

Мәскеу қаласының денсаулық сақтау департаментінің мәліметінше мамырдың 29 күні соққан дауылдан 70 адам зардап шегіп, 11 адам көз жұмған.

РИА Новости ақпарат агенттігінің айтуынша Мәскеуде дауылдан 600 ағаш құлаған. Ал Итерфакс опырылып түскен ағаштардың саны 1000 асатынын жазған.

Мәскеуде соққан алапан дауылдан кейін Ресей Федерациясының төтенше жағдайлар министрлігі дауылды жауын Ресейдің шығысы мен Приволжье аумағында әлі екі күн бойын тұратынын ескерткен.

Фото: ВВС

Ал Мәскеу халқы РФ ТЖМ 29 мамырда дүлей дауылдың соғатыны жайында ешқандай ескерту жасап смс хаттарын жібермегендігін айтып, әлеуметтік желілерде өз наразылықтарын білідген.  Бұл айыптауға РФ ТЖМ мен жергілікті ұялы байланыс операторлары ескерту смс-терін жібергендерін айтып ақталған.

“The Qazaq Times”