قانداسىمىز «قارعالداق»، «قىزعالداق» اتاۋىمەن جاڭا تاۋارلار ءوندىرىپ جاتىر

قىتايدىڭ قۇلجا اۋدانىندا تۇراتىن قانداسىمىز روزا بايمۇراتقىزى كاسىپكەرلىكپەن 2009 جىلدان بەرى اينالىسا باستاعان. نەگىزگى وقىعانى مەديتسينا ماماندىعى ەكەن. بىراق، تالەيىن بيزنەستە سىناپ كورمەك بولعان قانداسىمىز ءوز ويعا العان ىسىنە باتىل كىرىسىپتى.

«ىلە گازەتىندە» كاىسپكەر قىز تۋرالى ءتىلشى ەركىن سۇلتانۇلىنىڭ ماقالاسى جاريالاندى. ءبىز سونداعى مالىمەتتەرگە سۇيەنە وتىرىپ، قانداسىمىز جايلى شاعىن اقپارات ۇسىنباقپىز.

تۇساۋ كەسەر سالتاناتى. فوتو: kazakh.ylxw.com.cn

2009 جىلى جۇبايى جارمۇقامەتپەن اقىلداسىپ، بيزنەس سالاسىنا بەت بۇرعان روزا الدىمەن قۇلجا اۋدانىنىڭ ورتالىعىنان «وردا» كيىم دۇكەنىن اشادى. ىلە كاسىبىن كەڭەيتىپ، «ايالداما» مۋزىكا ورتالىعى، «ايالداما» توي سالونىن اشادى. 2013 جىلدان باستاپ، قورعاس شەكاراسىنا بەت بۇرىپ، قازاقستاننىڭ كونديتەرلىك ونىمدەرى مەن وزگە دە ىشپەك-جەمەك زاتتارىن ساۋدالاي باستايدى. ونى ىلە ايماعىنىڭ 8 اۋدان، ءبىر قالاسىنا ساتاتىن كەلىسىمگە قول جەتكىزەدى.

بيزنەس جولىندا قيىندىقتارعا تاپ بولادى، ساتسىزدىككە جولىعادى. بىراق، العان بەتىنەن قايتپايدى. 2015 جىلى قۇلجا اۋدانىنان 500 ادامدىق «كوكقامىر» مەيرامحاناسىن اشادى. قازىرگى كۇنى وندا وننان استام ادام جۇمىس ىستەيدى. كىرىس تە جامان ەمەس كورىنەدى. بۇنىمەن دە شەكتەلىپ قالماعان روزا ەندى «شىنجاڭ كوكقامىر حالىقارالىق ساۋدا سەرىكتىگى» جشس قۇرادى. سونىڭ اياسىندا، «قارعالداق» ماركالى ۇنتاق سابىن وندىرە باستايدى. سابىندى نارىققا شىعارعاندا جاقسى سۇرانىسقا يە بولعان. ونىڭ ەندىگى ويى «قىزعالداق» اتتى ءتۇرلى قاعاز ونىمدەرىن ساۋداعا سالماق. وتكەن جىلى جەلتوقسان ايىنىڭ ورتاسىندا ءۇرىمجى قالاسىندا وتكەن «قوس-12» جارمەڭكەسىندە وسى ەكى ءونىم تۇتىنۋشىلاردىڭ جاقسى باعاسىنا يە بولىپتى. تاۋاردى شىڭجاڭنىڭ جەر-جەرىندە ساتاتىن سەرىكتەستەر دە تابىلعان.

"قارعالداق" ماركالى سابىن ۇنتاعى.

قانداسىمىز كاسىبى دوڭگەلەگەن سايىن وزگەلەرگە دە كومەك قولىن سوزۋدى ۇمىتپاعان. قيىنشىلىعى بار، جاعدايى تومەن اۋىلداستارىنا، قانداستارىنا كوڭىل ءبولىپ، شاماسىنشا جاردەم كورسەتىپ تۇرادى ەكەن.

بەك ايدار

 “The Qazaq Times”