قازاقستان بۇۇ قاۋىپسىزدىك كەڭەسىندە فوتو: slideshare.net

قازاقستان 2017 جاڭا جىلدىڭ العاشقى كۇنىن  بۇۇ قاۋىپسىزدىك كەڭەسىنىڭ تۇراقتى ەمەس مۇشە ەلى بولۋمەن باستادى. بۇل ورتالىق ازيا بويىنشا اتالعان كەڭەسكە مۇشە بولعان تۇڭعىش ەل بولىپ سانالادى.

وتكەن جىلى 28 ماۋسىمدا قازاقستان بۇۇ-نىڭ 70 كەزەكتى پلەنارالىق وتىرىسىندا 138 داۋىستان 55 داۋىس جيناپ، مۇشەلىككە ۇمىتكەر تايلانت، ەفيوپيا، بوليۆيا، شۆەتسيا قاتارلى ەلدەردەن باسىم ءتۇسىپ، 2017-2018 جىل ارالىعىندا قاۋىپسىزدىك كەڭەسىنە تۇراقتى ەمەس مۇشەسى بولىپ تاعايىندالعان. 2017 جىلدىڭ 1 قاڭتارىنان باستاپ رەسمي تۇردە قاۋىپسىزدىك كەڭەڭسىنىڭ مۇشە ەلى بولىپ سانالادى.

قر پرەزيدەنتى ن. نازارباەۆ قازاقستاننىڭ بۇۇ قاۋىپسىزدىك كەڭەسىنە مۇشە بولۋىنىڭ ماڭىزى تۋرالى سويلەگەن سوزىندە: «2017-2018 جىلداردا كەزەكتەن تىس حالىقارالىق قاتىناستاردا قالىپتاسقان شەشىلۋى قيىن ەسكى پروبلەمالارمەن قاتار، كۇردەلى جاڭا پروبلەمالار دا تۋادى. قازاقتساننىڭ بۇل كەڭەسكە مۇشە بولۋى، حالىقارالىق قاتىناستاردىڭ بولاشاعىنان الىپ ايتقاندا، وسى كەزدەسەتىن پروبلەمالاردى شەشۋدى قامتاماسىز ەتەتىن ءبىر ورايى» - دەگەن بولاتىن. سونىمەن بىرگە «قازاقستان الەم نازارىنداعى يادرولىق قۇرالدان باس تارتۋ ءىسىن تاباندى جالعاستىرادى. بيولوگيالىق جانە حيميالىق قارۋلاردى جويۋ ىسىنە ات سالىسادى، لاڭكەستىككە قارسى تۇرۋ ىسىنە، سۋ، ەنەرگەتيكا جانە ازىق-تۇلىك قاۋىپسىزدىگىن قامتاماسىز ەتۋگە كۇش سالادى» دەپ اتاپ ايتتى.

بۇۇ قاۋىپسىزدىك كەڭەسى ۇيىمىندا 5 تۇراقتى، 10 تۇراقتى ەمەس مۇشەسى بولىپ جالپى 15 ەل بار. تۇراقتى مۇشلەر – اقش، رەسەي، قىتاي، ۇلى بريتانيا جانە  فرانتسيا سىندى بەس ەل. قالعان 10 تۇراقتى ەمەس مۇشەنى بۇۇ باس اسسامبلەياسى 193 ەلدىڭ ىشىنەن تالداپ الادى. ونىڭ وزىندە دە 3\2 داۋىس جيناعان ەلدى قابىلدايدى.

قىتاي اقپارات قۇرالدارىندا بۇل تۋرالى اقپاراتتى تاراتۋمەن بىرگە قازاقستاننىڭ قازىرگى حالىقاراداعى بەدەلىنىڭ ارتىپ كەلە جاتقانىن دا ءسوز ەتىپتى. مىسال رەتىندە قىتايدىڭ ەڭ ۇلكەن اقپاراتتىق سايتتارىنىڭ ءبىرى «قىتاي-اقپارات» سايتى (news.sina.com.cn): «قازاقستان وسىعان دەيىن ەۋرازيالىق ساۋدا وداعىنا، شانحاي ىنتىماقتاستىق ۇيىمىنا جانە باسقا دا كوپتەگەن حالىقارالىق ۇيىمدارعا مۇشە ەل رەتىندە بۇۇ قاۋىپسىزدىك كەڭەڭسىنىڭ سەنىمىنە يە ەل. سوڭعى جىلدارى قازاقستاننىڭ حالىقارالىق بەدەلى جوعارلاپ كەلەدى. ايتالىق ۋكراينا داعدارىسىن شەشۋگە بەلسەنە ات سالىستى جانە سيريا ءىسىن بەيبىت شەشۋ كەلىسسوزدەرىنە فلاتفورمالاردى  قامتاماسىز ەتتى. سونىمەن قاتار قازاقستان ورتالىق ازياداعى ىقپالدى ەل. قازاقستان ورتالىق-ازيانىڭ وكىلى رەتىندە ءوڭىردىڭ قاۋىپسىزدىگى مەن تۇراقتىلىعىن ساقتاۋدا ۇلكەن ءرول وينايدى» - دەپ جازعان.

"The Qazaq Times"