ترامپ وڭتۇستىك كورەياعا ورىنسىز تالاپ قويدى

اقش پرەزيدەنتى دونالد ترامپ اقش – وڭتۇستىك كورەيا ەركىن ساۋدا ساتتىق كەلىسىمىن قايتا تالقىلاۋدى ءۇمىت ەتەتىنىن ءبىلدىردى، ءارى اقش  وڭتۇستىك كورەيادان زىمىراننان قورعانۋ جۇيەسى "ساد"-تىڭ (Thaad) ەسەبىن ايىرۋدى تالاپ ەتتى. ءبۇل وڭتۇستىك كورەيانىڭ اقش – وڭتۇستىك كورەيا ەكى ەل اراسىنداعى قاتىناسىنا كۇمان تۋدىردى.
ترامپ بەيسەنبى كۇنگى كەشتە "Reuters"  اگەنتتىگىندە جاريالاعان مالىمدەمەسىندە، وڭتۇستىك كورەيامەن "ساد" جۇيەسىنىڭ ەسەبىن جاساۋ تۇڭعىش رەت ورتاعا قويدى. سادى جۇيەسى 9 مامىر كۇنگى وڭتۇستىك كورەيا پرەزيدەنت سايلاۋىنداعى باستى تاقىرىپ. ترامپ اقش –وڭتۇستىك كورەيا ەركىن ساۋدا قاتىناسىن قايتا تالقىلايمىز نەمەسە كۇشىنەن قالدىرۋىمىز كەرەك دەدى.
بۇدان بۇرىن دا ترامپ ۇكىمەتىنىڭ وڭتۇستىك كورەياعا دەگەن كوزقاراسىندا وزگەرىس بولعانىن  بايقاۋعا بولادى. اقش ۇكىمەتى بەيسەنبى كۇنگى مالىمدەمەسىندە، كيم جوڭ ۋن  (Kim Jong Un)  ۇستەمدىگىن اۋدارۋعا يادرولىق باعدارلامانى سىلتاۋ ەتپەيمىز، ەگەر وڭتۇستىك كورەيا دۇرىس شەشىمگە كەلسە، اقش كەلىسسوز وتكىزۋدى ويلاستىراتىنىن ايتتى.
ترامپتىڭ  سول كۇنى جانە: "ەگەر كەلىسسوزدەر ساتسىزدىككە ۇشىراسا اقش وڭتۇستىك كورەيا اراسىندا ۇلكەن قاقتىعىس تۋىلادى",– دەگەنى بار.
Lockheed Martin Co.،LMT قۇراستىرعان "ساد" جۇيەسىنىڭ ءبىر عانا  باتەرياسى 1 ترلن اقش دوللار. اقش وڭتۇستىك كورەياعا قولداۋ كورسەتىپ "ساد" جۇيەسىن وسى اپتادان باستاپ ورناتىپ بەرەتىن بولعان.
وڭتۇستىك كورەيا قورعانىس مينيسترلىگى مالىمدەمەشىسى جۇما كۇنى ترامپتىڭ تۇتقيىل قويعان شارتى تۋرالى ەشتەڭە دەگىسى كەلمەدى.  الايدا، ول "ساد" جۇيەسىن ورناتۋعا ارنايى جەر   جانە نەگىزدىك قۇرىلعىلار دايىنداعانىن ايتتى.
ال، وڭتۇستىك كورەيا ساۋدا مينيسترلىگىنىڭ ءبىر  مانساپتىسى وڭتۇستىك كورەيا ۇكىمەتى ترامپتىڭ ۇسىنىسىن ءالى تاپسىرىپ الماعانىن ايتقان بولاتىن.
ۇزاق جىلداردان بەرى سولتۇستىك كورەيامەن قىرعيقاباق،  وڭتۇستىك كورەيامەن جايماشۋاق بايلانىستا بولعان اقش-تىڭ جاقىننان بەرى،  وسى ەجەلگى بايلانىستى كەرىسىنشە دامىتۋعا ۇرىندى. سەۋل تارابى ءۇشىن ترامپ ۇكىمەتىنىڭ كوزدەگەن ماقساتىن  ءتۇسىنۋدى ءتىپتى دە قيىنداپ كەتتى..

The Qazaq Times