تيللەرسون ەكى كورەيا شەكاراسىندا. فوتو: The Wall Street Journal

ترامپ ۇكىمەتى كەشە، بەيسەنبى كۇنى حابارلاما جاريالاپ: «ءبىر عانا يادرولىق باعدارلاما سەبەبىنەن سولتۇستىك كورەيا باسشىسىنىڭ بيلىگىن قۇلاتۋعا تىرىسپايمىز. سونىمەن بىرگە، سولتۇستىك كورەيا ۇكىمەتى دۇرىس كۇن ءتارتىپتى جولعا قويسا ءبىز دە كەلىسسوز مۇمكىندىكتەرىن قاراستىرامىز»، – دەدى.

اقش مەملەكەتتىك حاتشىسى تيللەرسون سوزىندە: «اقش تارابى سولتۇستىك كورەيانىڭ يادرولىق باعدارلامادان باس تارتۋى بىردەن ءبىر بەيبىت كەلىسىمنىڭ كىلتى دەپ قارايدى»، – دەدى. ول كەشە FOX News ارناسىنا بەرگەن سۇحباتىندا: «اقش سولتۇستىك كورەيانىڭ رەجيمىن قۇلاتۋعا تىرىسپايدى، ءبىز تىكەلەي بۇل ەلدىڭ ساياسي ۇستانىمىمەن كۇرەس جاساپ وتىرعانىمىز جوق، نەمەسە ونى قۋاتتامايمىز»، – دەگەن پىكىرىن ايتتى. تيللەرسون سۇحباتىندا ترامپ ۇكىمەتىنىڭ  قىتايمەن ءبىر جۇيەلىلىككە كەلۋگە (كورەي تۇبەگى ماسەلەسىندە) تىرىسىپ وتىرعانىن ايتتى. بۇل تۋرالى قىتاي تارابى كورەي تۇبەگىنىڭ يادروسىزدانۋىن قولدايتىندىعىن ايتىپ وتىر.

تيللەرسون: «امەريكا كۇتەدى، تەك قاۋىپ-قاتەردى باقىلاپ وتىرامىز. قانشا ۇزاق كۇتۋ كەرەك بولسا، سونشا كۇتەمىز»، – دەپ كەسەتە ايتتى. ول بۇگىن وتەتىن بۇۇ قاۋىپسىزدىك كەڭەسىنىڭ جوعارى وتىرىسىندا سول.كورەيا ماسەلەسىن ورتاق تاقىرىپ ەتىپ كوتەرمەكشى.

اقش پرەزيدەنتىنىڭ ەڭ جوعارى كومەكشىلەرىنىڭ ايتۋىنشا، ترامپ سولتۇستىك كورەيانى قۇراما شتاتتىڭ ۇلتتىق قاۋىپسىزدىگىنە بىردەن ءبىر قاتەر ءتوندىرۋشى دەپ سانايدى ەكەن.