فوتو: ناسا

"كاسسيني" زوندىنىڭ ميسسياسى 1997 جىلى باستالعان بولاتىن. 3 ملرد شاقىرىم قاشىقتىققا سوزىلعان ساپارعا 7 جىلعا جۋىق ۋاقىت كەتكەن. 

2004 جىلى "كاسسيني" العاش ساتۋرننىڭ ساقينالارىنا جاقىنداعان.

ساتۋرن

بۇل سۋرەت 2004 جىلدىڭ 7 مامىرىندا تۇسىرىلگەن، وسى كەزدە زوند عالامشاردان 28,2 ملن شاقىرىم قاشىقتىقتا بولعان ەدى.

ساتۋرن
فوتو: ناسا

ال مىنا سۋرەت سول جىلدىڭ 26 مامىرىندا تۇسىرىلگەن.

يۋپيتەر

ساتۋرن كۇن جۇيەسىندەگى التىنشى پلانەتا بولعاندىقتان، "كاسسيني" وعان جەتەر جولدا الىپ يۋپيتەردى دە باسىپ ءوتتى.

بۇل سۋرەتتە يۋپيتەردىڭ وڭتۇستىك ءپوليۋسى بەينەلەنگەن.

ساتۋرننىڭ وربيتاسىندا بىرنەشە ونداعان تابيعي سەرىكتەرى ۇشىپ جۇرەدى.

يانۋس

يانۋس - ساتۋرننىڭ ىشكى سەرىگى. ونىڭ سۋرەتى 2009 جىلى تۇسىرىلگەن.

ساتۋرننىڭ سەرىكتەرى ءوزىنىڭ ساقينالارىنا قاراعاندا قاشىقتا ورنالاسقان. ون ەكى جىلدىڭ ىشىندە زوند عالامشاردىڭ سەرىكتەرىن ءتۇسىرىپ، ساقينالارىنا ەندى جەتتى.

ەنتسەلاد

ەنتسەلاد - ساتۋرننىڭ سەرىكتەرىنىڭ ءبىرى. ول يانۋسقا قاراعاندا ەداۋىر الىستا ورنالاسقان. بەتكى قاباتىن تولىقتاي مۇز باسقان.

گيپەريون

گيپەريون - ساتۋرننىڭ ەڭ قاشىقتا ورنالاسقان سەرىكتەرىنىڭ ءبىرى. "كاسسيني" گيپەريونعا ەكسپەديتسيانىڭ العاشقى كەزەڭدەرىنىڭ بىرىندە بارىپ قايتقان. بۇل سەرىك باسقالارىنا قاراعاندا تەگىس ەمەس پىشىنىمەن ەرەكشەلەنەدى. ال بەتىندە ءىرىلى-ۇساقتى كراتەرلەر كوپ.

ياپەت

كولەمى جاعىنان ساتۋرننىڭ ءۇشىنشى سەرىگى. ءدال جەر مەن ايدىڭ اراقاتىناسىنداي. ياپەت عالامشارعا ءاردايىم تەك ءبىر بەتىمەن قاراپ تۇرادى. ال سۋرەتتەگى ەكىنشى، سىرتقى بەتىنىڭ كورىنىسى.

ساتۋرن، تيتان

ال مىنا سۋرەتتەگى ساتۋرننىڭ ەڭ ۇلكەن سەرىگى - تيتان. بۇل كورىنىستە تيتان ساتۋرننىڭ جانىنان ءوتىپ بارا جاتىر.

تيتاننىڭ بۇل سۋرەتىنەن كراتەرلەردى كورە المايمىز. ويتكەنى، اسپان دەنەسىنىڭ وزىندىك اتموسفەرا قاباتى بار. سونىمەن قاتار، سۋ جانە قۇرلىقتارى، ءتىپتى ۇلكەن ۇشكىر شىڭدارى دا بولۋى مۇمكىن. "كاسسيني" تيتاندى جاقىنىراق ءتۇسىرۋ ءۇشىن "گيۋيگەنس" زوندىن جىبەرگەن. تومەندە وسى زوندتان كەلگەن پانورامالىق سۋرەت.

تيتان

ەكسپەديتسيا بارىسىندا "كاسسيني" بۇرىن سوڭدى مۇمكىن بولماعان راكۋرستاردان تۇسىرىلگەن سۋرەتتەردى جىبەرىپ جاتىر.

ساتۋرن، وڭتۇستىك ءپوليۋسى

بۇل سۋرەتتە ساتۋرننىڭ سولتۇستىك ءپوليۋسى كورسەتىلگەن. بىراق بۇل نەنىڭ كورىنىسى بولۋى مۇمكىن ەكەندىگى بەلىسىز. عالىمدار وسى قۇپيانى اشۋمەن اينالىسۋدا.

ال تاعى دا جاڭا سۋرەتتەر الداعى بەس ايدا كەلەدى دەپ كۇتىلۋدە. "كاسسينيدىڭ" جانارمايى تاۋسىلعانشا، قۇپيا عالامشاردىڭ ساقيناسى مەن باسقا دا تىلسىم سىرلارى بەلگىلى بولۋى مۇمكىن.

The Qazaq Times