Фото: НАСА

"Кассини" зондының миссиясы 1997 жылы басталған болатын. 3 млрд шақырым қашықтыққа созылған сапарға 7 жылға жуық уақыт кеткен. 

2004 жылы "Кассини" алғаш Сатурнның сақиналарына жақындаған.

Сатурн

Бұл сурет 2004 жылдың 7 мамырында түсірілген, осы кезде зонд ғаламшардан 28,2 млн шақырым қашықтықта болған еді.

Сатурн
Фото: НАСА

Ал мына сурет сол жылдың 26 мамырында түсірілген.

Юпитер

Сатурн Күн жүйесіндегі алтыншы планета болғандықтан, "Кассини" оған жетер жолда алып Юпитерді де басып өтті.

Бұл суретте Юпитердің оңтүстік полюсі бейнеленген.

Сатурнның орбитасында бірнеше ондаған табиғи серіктері ұшып жүреді.

Янус

Янус - Сатурнның ішкі серігі. Оның суреті 2009 жылы түсірілген.

Сатурнның серіктері өзінің сақиналарына қарағанда қашықта орналасқан. Он екі жылдың ішінде зонд ғаламшардың серіктерін түсіріп, сақиналарына енді жетті.

Энцелад

Энцелад - Сатурнның серіктерінің бірі. Ол Янусқа қарағанда едәуір алыста орналасқан. Беткі қабатын толықтай мұз басқан.

Гиперион

Гиперион - Сатурнның ең қашықта орналасқан серіктерінің бірі. "Кассини" Гиперионға экспедицияның алғашқы кезеңдерінің бірінде барып қайтқан. Бұл серік басқаларына қарағанда тегіс емес пішінімен ерекшеленеді. Ал бетінде ірілі-ұсақты кратерлер көп.

Япет

Көлемі жағынан Сатурнның үшінші серігі. Дәл Жер мен Айдың арақатынасындай. Япет ғаламшарға әрдайым тек бір бетімен қарап тұрады. Ал суреттегі екінші, сыртқы бетінің көрінісі.

Сатурн, Титан

Ал мына суреттегі Сатурнның ең үлкен серігі - Титан. Бұл көріністе Титан Сатурнның жанынан өтіп бара жатыр.

Титанның бұл суретінен кратерлерді көре алмаймыз. Өйткені, аспан денесінің өзіндік атмосфера қабаты бар. Сонымен қатар, су және құрлықтары, тіпті үлкен үшкір шыңдары да болуы мүмкін. "Кассини" Титанды жақынырақ түсіру үшін "Гюйгенс" зондын жіберген. Төменде осы зондтан келген панорамалық сурет.

Титан

Экспедиция барысында "Кассини" бұрын соңды мүмкін болмаған ракурстардан түсірілген суреттерді жіберіп жатыр.

Сатурн, оңтүстік полюсі

Бұл суретте Сатурнның солтүстік полюсі көрсетілген. Бірақ бұл ненің көрінісі болуы мүмкін екендігі белісіз. Ғалымдар осы құпияны ашумен айналысуда.

Ал тағы да жаңа суреттер алдағы бес айда келеді деп күтілуде. "Кассинидің" жанармайы таусылғанша, құпия ғаламшардың сақинасы мен басқа да тылсым сырлары белгілі болуы мүмкін.

The Qazaq Times