فوتو: Naviny.by

دونالد ترامپ  اقش كونگرەسسىنە 2018 جىلدان باستاپ  بەلورۋسسيانى قارجىلاندىرۋدى توقتاتۋ كەرەكتىگىن ايتتى  دەپ حابارلايدى News.tut.by اقپارات كوزى.

اقش-ءتىڭ حالىقارالىق دامۋ  (USAID) اگەنتتىگى 1999 جىلدان بەرى بەلورۋسسياعا جىلىنا 7,9 ميلليون دوللار كولەمىندە قارجىلاي كومەك كورسەتىپ كەلگەن. بۇل قاراجات بەلورۋسسيادا دەموكراتيانىڭ دامۋىنا، ازاماتتىق قوعام قالىپتاسۋىنا، اۋىل شارۋاشىلىعى مەن ساۋدا-ساتتىق سالالارىنا باعىتتالعان.

بۇعان دەيىن دونالد ترامپتىڭ تاپسىرماسىمەن اقش كونگرەسسى 2018 جىلدان باستاپ ۋكراينانى قولداۋعا بولىنەتىن قارجىنى 70 پايىزعا قىسقارتقانىن مالىمدەگەن بولاتىن. الايدا بەلورۋسسياعا بايلانىستى كونگرەسس ءالى ەشقانداي شەشىم شىعارماعان.

شەت ەلدىك ساراپشىلاردىڭ ايتۋىنشا اقش قىسقارتىلعان قاراجاتتىڭ بارلىعىن اسكەري تەحنيكالارىن دامىتۋعا جۇمساۋدى جوسپارلاپ وتىرعان كورىنەدى.

"The Qazaq Times"