Фото: Naviny.by

Дональд Трамп  АҚШ Конгрессіне 2018 жылдан бастап  Белоруссияны қаржыландыруды тоқтату керектігін айтты  деп хабарлайды News.tut.by ақпарат көзі.

АҚШ-тің халықаралық даму  (USAID) агенттігі 1999 жылдан бері Белоруссияға жылына 7,9 миллион доллар көлемінде қаржылай көмек көрсетіп келген. Бұл қаражат Белоруссияда демократияның дамуына, азаматтық қоғам қалыптасуына, ауыл шаруашылығы мен сауда-саттық салаларына бағытталған.

Бұған дейін Дональд Трамптың тапсырмасымен АҚШ Конгрессі 2018 жылдан бастап Украинаны қолдауға бөлінетін қаржыны 70 пайызға қысқартқанын мәлімдеген болатын. Алайда Белоруссияға байланысты Конгресс әлі ешқандай шешім шығармаған.

Шет елдік сарапшылардың айтуынша АҚШ қысқартылған қаражаттың барлығын әскери техникаларын дамытуға жұмсауды жоспарлап отырған көрінеді.

"The Qazaq Times"