ترامپ باراك وبامانىڭ مۇناي بۇرعىلاۋعا بايلانىستى جارلىعىنىڭ كۇشىن جويماق

اقش پرەزيدەنتى دونالد ترامپ وسى اپتادا امەريكانىڭ جاعالاۋلارىندا گاز ءوندىرۋ تۋرالى جارلىققا قول قويماق. بۇل تۋرالى Politico  باسىلىمى پرەزيدەنت باسشىلىعىنىڭ مالىمەتتەرىنە سۇيەنە وتىرىپ حابارلاعان بولاتىن. 

اقپارات كوزدەرىنىڭ مالىمەتتەرىنە سايكەس، ترامپ وسى اپتادا بىردەن 32 جارلىققا قوي قويىپ، ەل ەكونوميكاسىنا ۇلكەن سەرپىلىس الىپ كەلۋدى جوسپارلاپ وتىرعان كورىنەدى. قامتىلعان ماسەلەلەردىڭ ىشىندە - كيبەرقاۋىپسىزدىك، ارداگەرلەردىڭ جاعدايى  مەن اۋىل شارۋاشىلىعى قامتىلعان.

ترامپ الدىمەن اقش جاعالاۋلارىن گاز بەن مۇنايدىڭ كوزدەرىن تابۋعا باعىتتالعان بارلاۋ جۇمىستارىن جۇرگىزۋدى بۇيىرىپ وتىر. مامانداردىڭ ايتۋىنشا، بۇل جۇمىستار مۇحيت جاعالاۋلارىنداعى قايراڭداعى العاشقى بۇرعىلاۋ  بولماق.

باراك وباما ءوزىنىڭ پرەزيدەنتتىك مانسابىنىڭ سوڭىندا اتلانت مۇحيتى مەن الياسكا جاعالاۋلارىندا مۇناي بۇرعىلاۋ مەن ءوندىرۋ جۇمىستارىن جۇرگىزۋگە تىيىم سالىپ كەتكەن بولاتىن.

"The Qazaq Times"