«اقش قالاي دا اۋعانستانداعى تالىپتەردىڭ بيلىگىن مويىندايدى». بۇنداي مالىمدەمەنى پاكىستان پرەمەر-ءمينيسترى يمران حان جاسادى. ونىڭ ايتۋىنشا تالىپتەر بيلىككە يە بولعاندا اقش نە ىستەرىن بىلمەي قالعان.
پاكىستاننىڭ ۇكىمەت جەتەكشىسى يمران حان تۇرىكتىڭ TRT World جاڭالىقتار قىزمەتىنە بەرگەن سۇحباتىندا ءوز ەلىنىڭ «تاليباندى» رەسمي بيلىك رەتىندە مويىنداۋعا دايىن ەكەنىن، بىراق ونىڭ ەشقانداي ماڭىزى بولمايتىنىن ايتقان. حاننىڭ ايتۋىنشا تالىپتەردى رەسمي ۇكىمەت رەتىندە اقش، رەسەي جانە قىتاي سەكىلدى ەلدەر مويىنداعاندا عانا حالىقارالىق ىقپالعا يە بولادى.
پاكىستان باسشىسى سونداي-اق قازىرگى تاڭدا اۋعانستانعا گۋمانيتارلىق جانە ەكونوميكالىق كومەك كورسەتۋدىڭ وڭىردىك قاۋىپسىزدىك پەن تۇراقتىلىق ءۇشىن اسا ماڭىزدى قادام ەكەنىن ايتقان. سەبەبى، تەز ارادا اۋعانستانعا كومەك بەرىلمەسە ەلدە گۋمانيتارلىق داعدارىس ورىن الۋى، بۇل ايماقتاعى وزگە ەلدەرگە دە اسەر ەتۋى مۇمكىن.
قۇراما شتاتتار قالايدا تالىپتەردىڭ اۋعانستانداعى بيلىگىن مويىنداۋعا ءماجبۇر ەكەنىن ايتا كەلىپ، پاكىستان پرەمەر تالىپتەر بيلىكتى العاندا اقشتىڭ ابدىراپ قالعانىن، سوڭىندا كىنالىلەردى باسقا جاقتان ىزدەگەنىن ايتادى.
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ