فرانتسيا استاناسى پاريجدە تەررورلىق شابۋىل بولدى دەپ حابارلايدى bbc.سوm سايتى.

كەشە پاريج ورتالىعى ەليسەي الاڭىندا جەرگىلىكتى پوليتسيا قىزمەتكەرلەرىنە بەلىگىز بىرەۋلەر كالاشنيكوۆ اۆتوماتىمەن وق اتقان. سالدارىنان ءبىر ادام كوز جۇمىپ، ەكەۋى جاراقات العان.

فرانتسيا پرەزيدەنتى فرانسۋا وللاند: «بۇل ءسوزسىز  تەررورلىق ارەكەت، بۇل ىسپەن فرانتسيا پروكۋروتۋراسىنىڭ لاڭكەستىككە قارسى ءبولىمى اينالىساتىن بولادى» دەگەن.

ال پاريج قالاسىنىڭ پروكۋرورى فرانسۋا مولەن شابۋىل جاساعان ادامنىڭ اتى-ءجونىن انىقتادىق. بىراق، تەرگەۋ جۇمىستارى اياقتالماعانشا ونى ايتا المايتىندىعىن مالىمدەدى. BFMTV تەلە ارناسىنىڭ حابارلاۋىنشا لاڭكەستىك شابۋىل جاساعان 39 جاستاعى فرانتسيا ازاماتى. ونىڭ پوليتسيا قىزمەتكەرلەرىنە وق اتقالى جۇرگەندىگىن  فرانتسيانىڭ قاۋىپسىزدىك قىزمەتى الدىن الا بىلگەن. ول بۇل جايىندا  Telegram مەسسەندجەرىندە بىرنەشە مارتە جازعان.

ال «يسلام مەملەكەتى» لاڭكەستىك ۇيىمى بۇل تەررورلىق شابۋىلدى ءوز مويىندارىنا الىپ، پوليتسياعا وق اتقان وزدەرىنىڭ سودىرلارىنىڭ ءبىرى ەكەندىگىن مويىنداعان.

لاڭكەستىك شابۋىل جاساعان 39 جاسار فرانتسيا ازاماتى، قىلمىس ورىنىنان قاشپاق بولعان كەزدە وزىدە وققا ۇشقان. قازىر پاريج پروكۋروتۋراسى قىلمىسكەردىڭ سىبايلاستارى بار، جوعىن تەكسەرىپ جاتىر.

"The Qazaq Times"