ترامپتىڭ پرەزيدەنتتىك قىزمەتى امەريكالىقتاردىڭ كوڭىلىنەن شىقپادى

Gallup رەيتينگتىك كومپانياسىنىڭ جۇرگىزگەن زەرتتەۋ ناتيجەلەرىنە سايكەس، اقش پرەزيدەنتى دونالد ترامپتىڭ قىزمەتىنە كىرىسكەلى بەرگى العاشقى كۆارتالداعى جۇمىسىنىڭ ناتيجەلەرىن جاريالادى. رەيتينگكە سايكەس امەريكالىق سايلاۋشىلاردىڭ 41 پايىزىنىڭ عانا جاڭا پرەزيدەنتتىڭ العاشقى ءۇش ايداعى جۇمىسىنا كوڭىلى تولعان ەكەن. 

رەيتينگ ناتيجەلەرى  كومپانيا تاريحىنداعى جۇرگىزىلگەن بارلىق الەۋمەتتىك زەرتتەۋلەردىڭ ىشىندەگى ەڭ تومەنگى كورسەتكىش بولىپ وتىر. ال ترامپتىڭ الدىنداعى باراك وبامانىڭ العاشقى كۆارتالداعى جۇمىسىنىڭ ناتيجەسى 64 پايىزدى قۇراعان  بولاتىن.

وسىعان دەيىنگى اقش پرەزيدەنتتەرىنىڭ جۇمىسى جايلى الەۋمەتتىك رەيتينگتەگى ەڭ تومەنگى ورىندا 55 پايىزبەن بيلل كلينتون بولعان. ال ەڭ جوعارعى رەكوردتىق كورسەتكىش - دجون كەننەديدىڭ ەنشىسىندە. ول ءۇش ايدىڭ ىشىندە 74 پايىز امەريكالىقتاردىڭ كوڭىلىنەن شىعىپ، ناتيجەلى جۇمىسىمەن كوزگە تۇسكەن.

بۇل رەيتينگ ترامپ قىزمەتىنە كىرىسكەلى بەرى 20 قاڭتاردان باستاپ 19 ساۋىرگە دەيىنگى ارالىققا جاسالعان.

"The Qazaq Times"