Украинада соғыс басталғаннан бері 3 мың 496 бейбіт тұрғын қаза тапты. Бұл туралы Біріккен Ұлттар Ұйымының Адам құқықтары жөніндегі Жоғары комиссиясы мәлімдеді. Халықаралық қауымдастықтың аталған комиссиясы соғыс басталғаннан бері Украинадағы қаза болғандар туралы мәліметтерді топтастырып келген.

Ұйымның 10 мамырға дейінгі есепке алған деректеріне қарағанда, соғыс басталғаннан бері 3496 бейбіт тұрғын қаза тауып, 3760 адам түрлі жарақат алған. Деректерге сай, бейт тұрғындардың көбі әуе шабуылдары, артиллериялық соққы және зымыран шабуылдарынан көз жұмған.

Аталған комиссия құрбан болғандардың нақыты саны бұл тізімнен әлде қайда көп болуы мүмкін екенін ескертеді. Себебі, соғыс қызу жүріп жатқан аймақтардан нақты деректерді жинау мүмкін емес.

The Qazaq Times