ترامپتىڭ تاعى ءبىر سەنىمدى ادامىنىڭ رەسەيمەن جاقىندىعى بار

Exxon Mobil (ەكسونموبيل) اقش-تىڭ قارجى مينيستيرلىگىنەن رەسەيگە قاراتقان سانكتسيانى جەڭىلدەتۋدى وتىنگەنى اشكەرەلەندى. بۇل اتالمىش كومپانيا مەن رەسەيدىڭ مۇناي الپاۋىتى سانالاتىن PAO Rosneft (پاو «نك «روسنەفت») تىڭ كەلىسىمى قايتادان ىسكە اسادى دەگەن ءسوز دەپ The Wall Street Journal سايتىندا جاريالاندى.

قاراتەڭىزدەگى سانكتسيادا قاتتى كەتكەن تارماقتاردى جەڭىلدەتۋدىڭ جولىن Exxon Mobil كومپانياسى قاراستىرىپ جاتىر. الايدا، قاراتەڭىز اقش-تىڭ لاۋازىمدى تۇلعالارى جاعىنان وتە جىڭىشكەلىكپەن قاداعالانۋدا. ولار رەسەيگە قاراتقان سانكتسيانى كۇشەيتە ءتۇسۋدى قالايدى. ويتكەنى، رەسەيدى وتكەن جىلى اقش-تىڭ پرەزيدەنت سايلاۋى كەزىندە ينتەرنەت ارقىلى شابۋىلداعان دەپ جازعىرىپ كەلەدى.
اقش-تىڭ مەملەكەتتىك حاتشىسى تيللەرسوننىڭ اتالمىش ءىرى كومپانيانىڭ بۇرىنعى باسشىسى،  ءارى پۋتيننىڭ سىبايلاسى،  مۇنايدىڭ ءىرى شونجارى Rosneft قوجايىنىمەن جاقىن بايلانىستا بولۋ سالاۋاتىمەن ەندى بۇگىن ترامپتىڭ جانىندا ءجۇر. دەمەك،  ءىرى كومپانيانىڭ ءوتىنىشى اقش-تىڭ مەملەكەتتىك ءىرى قۇرىلىمدارىندا تالقىلانۋعا تاتيدى.
ال،  قاراتەڭىز بۇل كۇندە الەمدەگى كوپتەگەن ءىرى مۇناي كومپانيالارىنىڭ تەكەتىرەسكە تۇسەتىن مايدانىنا اينالعان. Exxon Mobil كومپانياسىندا وسى ءوڭىردىڭ رۋمانياعا تيەسەلى تەڭىز تەرريتورياسىنداعى جانە ۋكرايناعا قاراستى تەڭىز ايدىنىنداعى مۇنايدى بۇرعىلاۋعا رۇقساتى بار.
ترامپتىڭ كومانداسىنداعى جاقتاستارىنىڭ رەسەيمەن قاتىسى بار تاعى ءبىر جوعارى شەندىنىڭ شىعۋى ونسىزدا كونگرەستەگى ترامپتىڭ بەدەلىن تاعى ءتۇسىرۋ مۇمكىن.

ادىلەت احمەتۇلى

"The Qazaq Times"