ەۋروپا يادرولىق، حيميالىق جانە بيولوگيالىق توتەنشە جاعدايعا قارسى قور قۇرىپ جاتىر (ەسكەرتۋ: فوتو-سۋرەت پەن ماتەريال مازمۇنى ساي كەلمەۋى مۇمكىن). فوتو: The Conversation

ەۋروپا وداعى حيميالىق، بيولوگيالىق جانە يادرولىق توتەنشە جاعدايلارعا دايىندالۋدا. ەۋروكوميسسيا اتالعان توتەنشە جاعدايلارعا دايىن بول ءۇشىن ارنايى قور قۇردى جانە وعان 540 ميلليون ەۋرو كولەمىندە قارجى بولەتىنىن مالىمدەدى.

ەۋروكوميسسيا اتالمىش قوردى ۋكرايناداعى سوعىس جاعداينا بايلانىستى قابىلداپ وتىر. رەسەي مەن ۋكراينا كۇشتەرىنىڭ چەرنوبىل ماڭىندا قاقتىعىسى كۇشەيگەن تۇستا ەۋروپا ەلدەرى يادرولىق توتەنشە جاعدايدان الاڭداعان بولاتىن.

چەرنوبىل ماڭىنداعى قاقتىعىس ەۋروپانى الاڭداتقان ەدى. فوتو: پراۆدا. ۋكراينا

ەۋروپالىق كوميسسيانىڭ رەسمي مالىمدەمەسىنە قاراعاندا، اتالمىش قور حيميالىق، بيولوگيالىق جانە يادرولىق توتەنشە جاعدايلار كەزىندەگى ەۆاكۋاتسيا، زالالسىزداندىرۋ جانە مەديتسينالىق كومەكتى ءوز مىندەتىنە الادى.

العاشقى قادامدا قور ەسەبىنەن 3 ميلليون كالي يود تابلەتكاسى ازاماتتىق قورعانىس مەحانيزمى اياسىندا ۋكرايناعا جىبەرىلدى.

The Qazaq Times