رەسەي مەن ۋكراينا ورتاسىنداعى كەلىسسوزدىڭ ەكىنشى كەزەگى كەشە بەلارۋس جەرىندە ءوتتى. تاراپتار سوعىس توقتاتۋ تۋرالى بىتىمگە كەلە المادى، بىراق بەيبىت تۇرعىنداردى ەۆاكۋاتسيالاۋ مەن سوعىس بولىپ جاتقان ايماقتارعا ءدارى-دارمەك جەتكىزۋدى قامسىزدايتىن گۋمانيتاردىق ءدالىز بەرۋگە كەلىستى.
كەلىسىم قۇجاتىنادا سايكەس كوپ ۇزاماي تاراپتار اراسىندا بايلانىس پەن قىزمەتتىڭ جاڭا كانالدارى اشىلىپ، قاجەتتى لوگيستيكالىق پروتسەدۋرالار جۇرگىزىلمەك. سونىڭ نەگىزىندە ەۆاكۋاتسيا ءجۇرىپ جاتقان ايماقتاردا ۋاقىتشا وق اتىسپاۋ مۇمكىندىگى قوس تاراپتان قاراستىرىلاتىنى ايتىلعان.
ۋكراينا رەسميلەرى ەكىنشى كەزەكتەگى كەلىسسوزدە كيەۆ وزىنە قاجەتتى تالاپتارعا قول جەتكىزە الماعانىن، ماسكەۋ شارتتارى دا العا ىلگەرلەمەگەنىن جەتكىزگەن. دەگەنمەن، تاراپتار گۋمانيتارلىق وڭاي بويىنشا تەرەڭ ديالوگ ورناتا العانىن راستادى. ال، ماسكەۋ تارابى بولسا وسىنىڭ ءوزى «ماڭىزدى ىلگەرىلەۋ» دەپ باعالادى.
رەسمي تاراپتاردىڭ مالىمدەگەنىندەي، كەلىسسوزدىڭ ءۇشىن راۋندى دا جالعاسىن تابادى، قازىرشە ۋاقىتى تۇراقتانعان جوق.
ايتپاقشى، سارسەنبى كۇنى ءوتۋى ءتيىس بولعان ەكىنشى راۋندتاعى كەزدەسۋدىڭ ءبىر كۇن كەيىنگە شەگەرىلۋىنە قاتىستى دا بىرقاتار تالاستى پىكىرلەر تۋعان بولاتىن. رەسەي تارابى بۇل جاعدايعا ۋاشينگتوننىڭ بەلگىلى دەڭگەيدە قاتىسى بار بولۋى مۇمكىن دەگەن.
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ