جاڭاوزەندە باستالعان نارازىلىق اقتاۋ قالاسىندا جالعاسقان ەدى. بۇگىن اتىراۋدا «تەڭىز» مۇنايشىلارى، سارىشاعان مەن قالامقاس مۇناي-گاز كەن ورىنى جۇمىسشىلارى دا جۇمىس تاستاعانى بەلگىلى بولدى. بۇل تۋرالى اتالعان مۇناي-گاز كەن ورىندارىنىڭ جۇمىسشىلارى الەۋمەتتىك جەلىدە ۆيدەو تاراتتى.

الەۋمەتتىك جەلىدە تاراعان ۆيدەولاردىڭ بىرىندە قالامقاس مۇناي-گاز كەن ورىنى جۇمىسشىلارىنان قۇرالعنا شامامەن جۇزدەگەن ادامنىڭ نارازىلىق جالعاسىپ جاتقان الاڭعا توپتاسىپ جاياۋ بارا جاتقانى كورىنەدى.

تەڭىز مۇناي كەن ورىنى جۇمىسشىلارى جۇمىس تاستادى. فوتو: فب

ال، جاڭاوزەن قالاسىنان تاراپ جاتقان ۆيدەولاردا بۇگىنگى نارازىلىققا قالاداعى مەكتەپ جانە جوو وقتىۋشىلارى دا قوسىلعانى ايتىلۋدا.

جاعدايدىڭ بۇلاي بەت الۋى حالىقتىق جاپپاي نارازىلىققا ۇلاسۋعا جاقىن تۇرعانىن كورسەتەدى. وسى ورايدا تاۋەلسىز اقپارات قۇرال رەتىندە بيلىك تارابىنان شۇعىل شەشىم قابىلداپ، حالىقتىڭ تالابىن تىڭداۋى كەرەك دەپ ەسكەرتەمىز. جاعداي باقىلاۋدان شىعىپ كەتپەي تۇرعاندا، نارازىلاردىڭ ارىز-تالابىنا قۇلاق اسىپ، اشىق ديالوگ ورناتۋدىڭ ارەكەتتەرىنە بارۋى كەرەك.

ۇكىمەتتى تۇتاس ەلدەگى الەۋمەتتىك ماسەلەگە شىنايى كوڭىل بۇرىپ، حالىق تىلەگىنە قۇلاق اسۋعا شاقىرامىز!

 

 The Qazaq Times