اۋعانستان ايەلدەرى. فوتو: BBC

اۋعانستان بيلىگىن العانىنا بىرنەشە عانا اي بولعان «تاليبان» ۇيىمى ەلدە ايەلدەرگە قاراتا جاڭا شەكتەۋ ەرەجەلەرىن جاريا ەتتى. وندا ايەلدەردىڭ تەلە-سەريالدارعا تۇسۋىنە تىيىم سالىنعان جانە ەفيرگە شىعاتىن جۋرناليست نەمەسە تەلە-جۇرگىزۋشى ايەلدەرگە ورامال تاعۋ مىندەتتەلدى.

تالىپتەر تامىز ايىندا اۋعانستان بيلىگىن باسىپ العاندا كوپتەگەن ساراپشىلار يسلامشىل ۇيىم بىرتىندەپ ەلدە قاتاڭ يسلامي ەرەجەلەر ورناتادى دەپ بولجاعان. حالىقارالىق قاۋىمداستىق پەن الەم ەلدەرىنىڭ رەسمي بيلىك دەپ مويىنداۋى ءۇشىن تالىپتەر 1990 جىلدارداعىداي قاتاڭ ءدىني ەرەجەلەردى ورناتپايمىز دەگەن دە مالىمدەمەلەر جاسالدى.

الايدا، سىنشىلاردىڭ پىكىرىنشە، ايەلدەرگە قاراتقان كەزەكتى شەكتەۋ ەرەجەلەرى انىق كورسەتىلمەگەندىكتەن ولاردى ءتۇرلى جاعىنان جورامالداۋعا بولادى. ايتالىق، ەفيرگە شىققان جۋرناليس ايەلدەر ورامالدىڭ قاي ءتۇرىن تاعۋ كەرەكتىگى كورسەتىلمەگەن.

«تاليبان» جاريالاعان اۋعانستانداعى تەلەۆيزيا سالاسىنا قاتىستى جاڭا ەجە سەگىز تارماقتى قامتيدى. وندا شاريعاتقا جانە اۋعان قۇندىلىعىنا ساي ەمەس فيلمدەرگە شەكتەۋ قويىلاتىنى كورسەتىلگەن. ايەلدەردى تەلە-سەريالدارعا تۇسىرۋگە شەكتەۋ قويۋمەن قاتار ەرلەردىڭ ينتيمدىك دەنە مۇشەلەرى كورسەتىلەتىن فيلمدەرگە دە شەكتەۋ بار. دىنگە ساي كەلمەيتىن، سونداي-اق اۋعانداردى كەمسىتكەن سىڭايلى كومەديا نەمەسە وزگە دە كوڭىل اشۋ باعدارلامالارىنا شەكتەۋ قويىلادى. بۇلارعا قوسا شەتەلدىك قۇندىلىقتاردى ناسيحاتتايتىن فيلمدەر كورسەتىلمەۋى كەرەك دەيتىن كونە ەرەجەلەرى دە بار.

اۋعانستانداعى جۋرنليستەر وداعى جاڭا ەرەجەنىڭ جاريالانۋى كۇتپەگەن شەشىم بولعانىن ايتۋدا. قازىرگە دەيىن ەلدەگى ايەل قۇقىعىن دامىتۋ ماقساتىندا تەلەكانالدار ايەلدەردىڭ بوستاندىعى مەن تەڭدىگىن ناسيحاتتايتىن شەتەلدىك تەلەسەريالداردى تاراتىپ كەلگەن.

كەيبىر اۋعان جۋرنليستەرى جاڭا ەرەجەلەردىڭ كەيبىرىن اتقارۋ مۇلدە قيسىنعا كەلمەيتىنىن، ەگەر ونى كۇشتەپ اتقارسا تەلەارنالاردىڭ جابىلۋىنا الىپ كەلەتىنىن ايتقان.

ايەلدەردىڭ قۇقىعىن شەكتەۋگە قاتىستى بۇعان دەيىن دە بىرقاتار ەرەجەلەر جاريالانعان بولاتىن. وندا مەكتەپ جاسىنداعى قىزدار مەن ايەلدەردىڭ مەكتەپتە ءبىلىم الۋىنا جانە جۇمىس ىستەۋىنە شەكتەۋ كىرگىزىلگەن. ەگەر ۇيىندەگ جۇمىس ىستەۋگە جارامدى ەر ادام بولعان جاعدايدا ايەلدەردىڭ ۇيدە وتىرۋىن دا مىندەتتەگەن ەدى. وسىلايشا اۋعانستان ازاماتتارىنىڭ تەڭ جارتىسىنا ءبىلىم الۋدى شەكتەگەن الەمدەگى جاعلعىز مەملەكەت بولعان ەدى.

The Qazaq Times