قارسىلىق كۇشتەرى ۇشجاقتى شابۋىلعا تاپ بولدى. فوتو: NDTV

پانجشەردى باعىندارۋ الدىندا تۇرمىز دەگەن «تاليباننىڭ» اتى ءمالىم كومانديرلەرىنىڭ ءبىرى پانجشەر شاتقالىندا وققا ۇشتى. بۇل تۋرالى ۇلتتىق قارسىلىق شەبى الەۋمەتتىك جەلى ارقىلى مالىمدەدى.

اتالعان مالىمدەمەدە احمەد ماسۋد جەتەكشىلىگىندەگى پانجشەر كۇشتەرى تالىپتەردى كورنەكتى كومانديرلەرىنىڭ ءبىرى ماۆلاۆي ءفاسيحۋدديندى اتىپ ولتىرگەندەرىن ايتقان. «تاليبان» تارابىنان بۇل تۋرالى رەسمي مالىمدەمە تاراتىلدى.

بۇل اپقارات تاراۋدان بۇرىن ۇلتتىق قارسىلىق شەبىنىڭ ءباسپاسوز مالىمدەمەشىسى فاحيم داشتينين تالىپتەر جاعىنان ولتىرىلگەنى تۋرالى مالىمەت تاراعان بولاتىن. ونىڭ قانداي جاعدايدا قازا تاپقانى تۋرالى انىق مالىمەت جوق.

سوڭعى كۇندەرى «تاليبان» اۋىر شىعىنعا ۇشىراعانىنا قاراماستان پانجشەردەگى قارسىلىق كۇشتەرىنە تۋ سىرتىنان شابۋىل جاساۋدا. تالىپتەر تارابى جۇزدەگەن ادامنىڭ كوزىن جويعانىن، ونىڭ اراسىندا شەتەلدىكتەر دە بار ەكەنى تۋرالى مالىمەتتەر تاراۋدا.

ال كەشە، 5 تامىز جەكسەنبى كۇنى تالىپتەرگە باعىنباعان سوڭعى پروۆينتسياعا «تاليبان» كۇشتەرى ءۇش جاقتان ءبىر ۋاقىتتا شابۋىل باستادى. قازىر كەسكىلەسكەن ۇرىستار پانجشەردەگى اناۆا، رۋحا، پاريان جەرلەرىندە بولىپ جاتىر.

The Qazaq Times