الەمدى الجاستىرعان كارل ۆينسون اۆياماتكاسى

ءبارىمىز دە اقش تەڭىز ارمياسىندا «كارل ۆينسون» اتتى قۋاتتى اسكەري تەحنيكا بار، ول سولتۇستىك كورەيانىڭ ىرگەسىنە كەلىپ، سۋىق قارۋلارىن سايلاپ ءتونىپ تۇر دەپ ويلاپ كەلگەن ەدىك. ال، شىن مانىسىندە بۇل ترامپتىڭ جۇرتتى الجاستىرۋى  بولىپ شىقتى. راسىنا كەلگەندە، ۇستىنە قىرىقتان استام ۇشاق ۇشىپ-قونا الاتىن الىپ اۆياماتكا اۆستراليادان كورەي تۇبەگى ماڭىنا كەلەسى اپتادا ازەر جەتەدى. ال، كورەي تۇبەگىنىڭ جاڭا جاعدايىنا ساي بۇل الىپ كەمە باعىتىن وزگەرتكەن.

اقش تەڭىز ارمياسى سەيسەنبى كۇنى اقش-سولتۇستىك كورەيا شيەلەنىسىنىڭ جاڭا جاعدايىنا وراي اقش تەڭىز ارمياسىنىڭ اۆياماتكالارى سولتۇستىك كورەياعا جىبەرىلمەگەنىن راستادى. الايدا، اقش پرەزيدەنتى دونالد ترامپ پەن جوعارى قورعانىس كەڭەسشىسىنىڭ مالىمدەمەسىندە مۇنىڭ كەرىسىنشە بولاتىن. بۇل تۋرالى “The Wall Street Journal” باسىلىمى حابارلاپ وتىر.

فوتو: The Wall Street Journal

شىن مانىسىندە، «نيميتس» كلاسىنداعى الىپ اۆياماتكا «كارل ۆينسون» بولسا، بىرنەشە مىڭ شاقىرىم قاشىقتىقتاعى اۆستراليا جاعالاۋىنان سولتۇستىك-شىعىس اسكەري جاتتىعۋ الاڭىنا كەلەسى اپتادا جەتۋى مۇمكىن. اقش تەڭىز ارمياسىنىڭ تىنىق مۇحيت شتابى سەيسەنبى كۇنى حابارلاما جاريالاپ، اقش-اۆستراليا تەڭىز ارميالارىنىڭ قىسقارتىلعان اسكەري وقۋ-جاتتىعۋى اياقتالا سالىسىمەن، «كارل ۆينسون» باتىس تىنىق مۇحيتقا باعىت الۋ تۋرالى بۇيرىق تۇسكەن. بۇل مالىمدەمەدەن اتالعان اسكەري تەحنيكانىڭ ساقتىق شاراسى رەتىندە ارەكەت جاساۋعا بۇيىرىلعانىن بايقاۋعا بولادى.

دەمەك «كارل ۆينسون» اۆياماتكاسىنىڭ بار مىندەتى اداستىرۋ. بۇل بىرىنشىدەن اسكەري قيمىلدىڭ قۇپيالىعىن ساقتاۋ ءۇشىن، ەكىنشىدەن اق ءۇيدىڭ قاتاڭ پوزيتسياسىن ءبىلدىرۋ ءۇشىن كەرەك بولدى. تەڭىز اسكەري كۇشتەرىنىڭ وكىلدەرى بۇعان جۇرتشىلىقتىڭ الجاساتىنىنا كامىل سەنىپتى. اق ۇيدەگى جوعارى لاۋازىمدىلاردىڭ ءبىرىنىڭ ايتۋىنشا، بۇل شاتاستىرۋ ءىسىن اقش قورعانىس دەپارتامەنتىنىڭ موينىنا ارتۋ كەرەك دەيدى. پەنتاگوننىڭ ءوزى بۇل ءىستىڭ بايىبىنا كەشە عانا جەتىپتى.

The Qazaq Times