Foto: Daily Star

Bärimiz de AQŞ Teñiz armiyasında «Karl Vinson» attı quattı äskeri tehnika bar, ol Soltüstik Koreyanıñ irgesine kelip, suıq qaruların saylap tönip twr dep oylap kelgen edik. Al, şın mänisinde bwl Tramptıñ jwrttı aljastıruı  bolıp şıqtı. Rasına kelgende, üstine qırıqtan astam wşaq wşıp-qona alatın alıp aviamatka Avstraliyadan Korey tübegi mañına kelesi aptada äzer jetedi. Al, Korey tübeginiñ jaña jağdayına say bwl alıp keme bağıtın özgertken.

AQŞ Teñiz armiyası seysenbi küni AQŞ-Soltüstik Koreya şielenisiniñ jaña jağdayına oray AQŞ Teñiz armiyasınıñ aviamatkaları Soltüstik Koreyağa jiberilmegenin rastadı. Alayda, AQŞ prezidenti Donal'd Tramp pen joğarı qorğanıs keñesşisiniñ mälimdemesinde mwnıñ kerisinşe bolatın. Bwl turalı “The Wall Street Journal” basılımı habarlap otır.

foto: The Wall Street Journal

Şın mänisinde, «Nimic» klasındağı alıp aviamatka «Karl Vinson» bolsa, birneşe mıñ şaqırım qaşıqtıqtağı Avstraliya jağalauınan soltüstik-şığıs äskeri jattığu alañına kelesi aptada jetui mümkin. AQŞ Teñiz armiyasınıñ Tınıq mwhit ştabı seysenbi küni habarlama jariyalap, AQŞ-Avstraliya teñiz armiyalarınıñ qısqartılğan äskeri oqu-jattığuı ayaqtala salısımen, «Karl Vinson» Batıs Tınıq mwhitqa bağıt alu turalı bwyrıq tüsken. Bwl mälimdemeden atalğan äskeri tehnikanıñ saqtıq şarası retinde äreket jasauğa bwyırılğanın bayqauğa boladı.

Demek «Karl Vinson» aviamatkasınıñ bar mindeti adastıru. Bwl birinşiden äskeri qimıldıñ qwpiyalığın saqtau üşin, ekinşiden Aq üydiñ qatañ poziciyasın bildiru üşin kerek boldı. Teñiz äskeri küşteriniñ ökilderi bwğan jwrtşılıqtıñ aljasatınına kämil senipti. Aq üydegi joğarı lauazımdılardıñ biriniñ aytuınşa, bwl şatastıru isin AQŞ Qorğanıs departamentiniñ moynına artu kerek deydi. Pentagonnıñ özi bwl istiñ bayıbına keşe ğana jetipti.

The Qazaq Times