Uzbekistan Airways اۋە كومپانياسىنىڭ ۇشاعى اۋعانستاننان تاشكەنتكە ەۆاكۋاتسيالانعان 200-دەن استام ادامدى ماينداعى فرانكفۋرت قالاسىنا جەتكىزدى. بۇل اقپاراتتى اۋە كومپانياسىنىڭ مالىمەتىنە سۇيەنىپ، Gazeta.uz سايتى جاريالادى.
گەرمانيا قورعانىس مينيسترلىگىنىڭ مالىمەتىنە قاراعاندا، تاشكەنت ارقىلى گەرمانياعا 900-دەن استام ادام جەتكىزىلگەن.
"وزبەكستان ءوزى باستاما كوتەرىپ، ۇكىمەت ۇشاعىن ءبولدى", –دەيدى "ۋزبەكيستان 24" تەلەارناسى. بورت گەرمانيانىڭ تاشكەنتتەگى ەلشىلىگىنىڭ وتىنىشىمەن شىققان.
بۇرىن تاشكەنتتەن گەرمانياعا Lufthansa اۋە كومپانياسى عانا تاسىمالداعان.
تاشكەنت اۋەجايى ترانزيت رەجيمىندە جۇمىس ىستەيتىندىكتەن اۋعانستاننان كەلگەن جولاۋشىلارعا قالاعا شىعۋعا رۇقسات بەرىلمەگەن.
وتكەن جەكسەنبىدە "تاليبان" قوزعالىسى كابۋلدى سوعىسسىز الىپ، اۋعانستانعا تولىق باقىلاۋ ورناتقانىن مالىمدەگەن.
تالىپتەر قۋعىن-سۇرگىن جاساۋى مۇمكىن دەپ قاۋىپتەنگەن مىڭداعان ادام كابۋل اۋەجايىنا لاپ قويعان. اۋعانستاندا اسكەري وپەراتسيا جۇرگىزگەن اقش پەن ونىڭ وداقتاستارى ءوز ازاماتتارى مەن تالىپتەر بيلىگىندە قالعىسى كەلمەيتىن اۋعانداردى جاپپاي قاۋىرت ەۆاكۋاتسيالاۋعا كىرىسكەن.
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ