"يسلام مەملەكەتىنىڭ" كوشباسشىلارىنىڭ ءبىرى ءولتىرىلدى

يراكتىڭ فەدەرالدى پوليتسياسى موسۋلداعى "يسلام مەملەكەتى" تەرروريستىك توبىنىڭ كوشباسشىلارىنىڭ ءبىرى ابۋ حادجير ار-ءرۋسيدىڭ ولتىرىلگەنى جايلى مالىمدەدى. تەرروريستىك توپتىڭ اسكەري قولباسشىسى رەتىندە تانىلعان ول رەسەيدىڭ ازاماتى بولۋى مۇمكىن. 

ۆەدومستۆا باسشىسى گەنەرال-لەيتەنانت رەاد شاكەردىڭ ايتۋىنشا، تەرروريست قالانىڭ باتىس بولىگىندەگى اس-ساۋرا اۋدانىندا ورنالاسقان شتابىن زىمىرانمەن بومبالاۋ كەزىندە قازا تاپقان.

پوليتسيا وكىلدەرى ازىرگە قازا تاپقانداردىڭ ناقتى ەسىمدەرى بەلگىسىز ەكەندىگىن ايتىپ، تەك لاقاپ اتتارى مەن تەرروريستىك توپتاعى مۇشەلىگىن انىقتالىپ وتىر.

“The Qazaq Times”