شويگۋ مەن كاراپەتيان كەزدەستى. فوتو: Twitter.

رەسەي ارمەنيا ارمياسىنا قولداۋ كورسەتەدى. بۇل تۋرالى رف قورعانىس ءمينيسترى شويگۋ ارمەنيا قورعانىس ءمينيسترى كاراپەتيانمەن كەزدەسۋدە مالىمەدى.  

«ارمەنيا – رەسەيدىڭ وڭتۇستىك كاۆكازداعى قاۋىپسىزدىكتى قامتاماسىز ەتۋ بويىنشا ماڭىزدى سەرىگى. بۇل ايماقتاعى تۇراقتىلىقتىڭ ساقتالۋىنا مۇددەلىمىز»، – دەگەن شويگۋ كەزدەسۋدە. ول ارمەنيامەن ەكىجاقتى جانە ۇقشۇ بويىنشا كەلىسىمدەردى تۇراقتى ساقتايتىنىن ءارى دامىتاتىنىن باسا بەلگىلەگەن. سونداي-اق ارمەنيا ارمياسىن مودەرنيزاتسيالاۋعا بارىنشا قولداۋ كورسەتەتىندەرىن جەتكىزگەن.

جاقىندا عانا قىزمەتىنە كىرىسكەن ارمەنيا قورعانىس ءمينيسترى ارشاك كاراپەتيان رەسەيلىك ارىپتەسى سەرگەي شويگۋمەن كەزدەسۋ كەزىندە رەسەيدى ستراتەگيالىق ماڭىزدى سەرىكتەسى رەتىندە اتادى. سوعان ساي قورعانىس سالاسىنداعى ىنتىماقتى العا جىلجىتۋعا ۇمىتكەرلىك تانىتتى.

“The Qazaq Times”