كەشە، 4 تامىزدا ماڭعىستاۋ وبلىسى قاراجانباس كەنىشىندە Caspian food كومپانياسىندا ىستەيتىن جۇمىسشى ايەلدەر جالاقى ءوسىرۋدى تالاپ ەتىپ، ەرەۋىلگە شىقتى. بۇل اقپاراتتى Lada.kz سايتى حابارلادى.
ايەلدەر پرەزيدەنت قاسىم-جومارت توقاەۆتان كومەك سۇراپ، ۆيدەومالىمدەمە جاساعان.
سايتتىڭ جازۋىنشا، جۇمىسشىلار جالاقىنى ەكى ەسەگە ءوسىرۋدى جانە ەكولوگياعا بايلانىستى وزدەرىن ءسۇت ونىمدەرىمەن قامتاماسىز ەتۋدى، جول مەن پتر-تەست شىعىنىن وتەۋدى تالاپ ەتىپ وتىر. بۇعان قوسا، جاعدايى ناشار وتباسىلارعا نەمەسە ەرلى-زايىپتىلاردىڭ بىرەۋى عانا جۇمىس ىستەيتىن وتباسىلارعا دوتاتسيا تولەۋدى سۇراپ وتىر.
Lada.kz سايتى جاريالاعان ۆيدەودا ونداعان ايەلدىڭ جينالىپ، بيلىك پەن كومپانيا باسشىلارىنا مالىمدەمە جاساپ جاتقانى كورىنەدى. ولار جالاقىنى 180-200 مىڭعا دەيىن ءوسىرۋدى سۇرايدى.
"Caspian food كومپانياسىنىڭ جۇمىسشىلارى ەكولوگيالىق رادياتسيانىڭ دەنساۋلىققا زيانىن ەسكەرىپ، جالاقىدان بولەك، كوەففيتسيەنت قوسىپ تولەۋىن تالاپ ەتەمىز. سونىمەن بىرگە اسحانادا اسپەن قامتاماسىز ەتۋ جاعدايى قازىرگى تالاپقا ساي ەمەس. جۇمىسشىلار مۇنايشىلار نە جۇتسا، سونى جۇتىپ ءجۇر. سول سەبەپتى زياندىلىق ءۇشىن قايماق، يوگۋرت، ايران، شۇبات بەرىلۋىن تالاپ ەتەمىز" دەيدى ۇندەۋدى وقىعان جۇمىسشىلاردىڭ ءبىرى.
نارازىلارمەن كەزدەسۋگە Caspian food كومپانياسىنىڭ كادر ءبولىمىنىڭ قىزمەتكەرلەرى شىعىپ، ولاردىڭ تالاپتارىن تىڭداپ، وتىنىشتەرىن قابىلداعان. ماسەلەنى قاراستىرۋعا ۋادە بەرگەن.
بۇعان دەيىن قاراجانباس كەنىشىندە "قاراجانباسمۇنايعا" اۋتسورسينگ كەلىسىم-شارتپەن قىزمەت كورسەتەتىن Industrial service resources جانە "KMG-Security" كۇزەتشىلەرى جۇمىسشىلاردىڭ الەۋمەتتىك جاعدايىن جاقسارتۋدى تالاپ ەتىپ، ەرەۋىل وتكىزگەن. تالاپتارى ورىندالعاننان كەيىن ەرەۋىلدى توقتاتقان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى