تامىزدا ورىس پەن قىتاي ارمياسى ورتاق جاتتىعۋ وتكىزبەك

رەسەي مەن قىتاي تامىز ايىندا ورتاق اسكەري وقۋ-جاتتىعۋىن وتكىزبەك. قىتاي جەرىندە وتكىزىلەتىن اسكەري شارا «ءوزارا ارەكەت2021» دەپ اتالادى.

قىتاي مەن رەسەي قورعانىس مينيسترلىكتەرىنىڭ مالىمەتىنە قاراعاندا، قۇرلىق اسكەري جاتتىعۋىنا 10 مىڭ سارباز تارتىلادى. ودان بولەك ۇشاقتار مەن ساۋتتى كولىكتەردى قامتىعان بىرقاتار  اسكەري تەحنيكا دا قاتىستىرىلادى.

قوس تاراپتىڭ رەسمي مالىمدەمەلەرىندە جاتتىعۋدىڭ ماقساتى ەكى ەل قارۋلى كۇشتەرىنىڭ ءوزارا ىنتىماقتاستىعىن كۇشەيتۋ دەپ كورسەتىلگەن. رەسەي-قىتاي قارىم-قاتىناسىن، اسىرەسە ستراتەگيالىق ورتاق ارەكەتتەسۋ مۇمكىندىكتەرىن ارتتىرۋ، سوعىسقا قارسى دايىندىقتارىن جەتىلدىرۋ ماقساتىندا وتەتىتىنى ايتىلعان.

اقش باستاعان باتىس ەلدەرىنىڭ سانكتسيالىق، ديپلوماتيالىق جانە ساياسي قىسىمدارى ارتا تۇسكەن كەزدە، بەيجىڭ مەن ماسكەۋ ءبىر-بىرىنە جاقىنداي ءتۇستى. ەكى ەل اراسىندا ستراتەگيالىق سەرىكتەس دەڭگەيىندەگى قارىم-قاتىناس ورتا ازيا ەلدەرى ءۇشىن دە نازار اۋدارارلىق تاقىرىپقا اينالعان.

“The Qazaq Times”