Күрд аймағындағы коалиция базасы. Фото: Breaking Defense

Ирак жеріндегі АҚШ бастаған коалицияның базасына дрон шабуылы жасалды. Шабуылдың АҚШ пен Ирак ортасындағы «төртінші стратегиялық келіссөзер» қарсаңында жасалғаны назар аудартуда.

Ирактағы Күрд автономиялы аймағына қарасты Карир ауданында орналасқан әскери база АҚШ бастаған коалиция күштерінің күрд аймағындағы аса маңызды базасы. ДАИШ содырларына қарсы күресте пайдаланылған база қазірде коалиция күштерінің маңызды позициясы саналады.

Ирак немесе өзге елдердегі террорлық топтардың ешқайсызсы шабуылды өз мойнына алған жоқ. Дегенмен, дрон шабуылы ДАИШ тарабынан жасалғаны туралы жергілікті ақпарат құралдары болжам жасаған.

Коалицияның баспасөз өкілі жасаған мәлімдемеде шабуылдың 24 шілдеге қараған түнде жасалғаны айтылған. Алайда, материалдық шығындар мен кісі өліміне қатысты мәліметтер берілмеген.

Айта кетейік, АҚШ пен Иран ортасында қазір «Төртінші стратегиялық келіссөзер» басталып жатыр. Бұл келіссөздер негізінен АҚШ күштерінің Ирактан шегініп шығуына қатысты мәселелерді талқылайды.

“The Qazaq Times”