رەسەي تاجىكستانداعى اۋعانستان شەكاراسىنا جاقىن ماڭداعى اسكەري بازاسىنا بىرنەشە اسكەري تەحنيكاسىن جەتكىزدى. 

Reuters اگەنتتىگىنىڭ حابارلاۋىنشا، مۇندا اسكەري وقۋ-جاتتىعۋ وتەدى. سونىمەن قاتار رەسەيدىڭ سىرتقى ىستەر ءمينيسترى سەرگەي لاۆروۆ مامىردا دۋشانبەگە بارعان ساپارى كەزىندە رەسەي مەن تاجىكستان جاقىن كۇندەرى تاجىك-اۋعان شەكاراسىنان جاڭا بەكەت سالۋ جونىندە كەلىسىمگە كەلەدى دەپ مالىمدەگەن. قارجىلاي كومەكتى ماسكەۋ بەرەتىنىن ايتقان.

اقش جانە ناتو ەلدەرى اۋعانستانداعى اسكەرىن شىعارا باستاعان ۋاقىتتا «تاليبان» قوزعالىسىنىڭ سودىرلارى ەلدىڭ بىرقاتار ايماعىن باسىپ الدى. باتىس ەلدەرىنىڭ كواليتسياسى اۋعانستانداعى اسكەرىن قىركۇيەكتىڭ ورتاسىنا دەيىن شىعارىپ اكەتۋدى كوزدەپ وتىر. ساراپشىلار بۇل ماسەلە قازىر رەسەي بيلىگىنىڭ نەگىزگى باس اۋرۋىنا اينالدى دەيدى.

"The Qazaq Times"