يزرايلدە پرەزيدەنت سايلاۋى ءوتتى. ناتيجەسىندە جەرگىلىكتى پارلامەنتتەگى 120 دەپۋتاتتىڭ 87-ءسى يتسحاك گەرتسوگ ءۇشىن داۋىس بەرگەن.

60 جاستاعى ساياساتكەر دياسپورامەن بايلانىس جونىندەگى ەۆرەي اگەنتتىگىنە باسشىلىق ەتەدى. ونىڭ اكەسى حايم گەرتسوگ تا 1983-1993 جىلدار ارالىعىندا يزرايل پرەزيدەنتى بولعان. قازىرگى مەملەكەت باسشىسىنىڭ وكىلەتتىگى 9 شىلدەدە اياقتالۋى ءتيىس.

يزرايلدە پرەزيدەنتتىك وكىلەتتىكتى ورىنداۋدىڭ جەتى جىلدىق مەرزىمى بەلگىلەنگەن. مۇندا مەملەكەت باسشىسى لاۋازىمىن ەكى رەت اتقارۋعا بولمايدى. ەگەر دەپۋتاتتاردىڭ تورتتەن ءۇش بولىگى يمپيچمەنت ءۇشىن داۋىس بەرسە، پارلامەنت پرەزيدەنتتى قىزمەتىنەن شەتتەتە الادى.

يزرايل پرەزيدەنتى زاڭ بويىنشا كنەسسەت دەپۋتاتتارىنىڭ بىرىنە پارلامەنتتىك سايلاۋ قورىتىندىلارى بويىنشا ۇكىمەت قۇرۋدى تاپسىرادى، سونداي-اق وكىلدىك فۋنكتسيالاردى ورىندايدى. قابىلدانعان زاڭدارعا قول قويادى جانە كەشىرىم جاساۋعا قۇقىلى.

"The Qazaq Times"