Израильде президент сайлауы өтті. Нәтижесінде жергілікті парламенттегі 120 депутаттың 87-сі Ицхак Герцог үшін дауыс берген.

60 жастағы саясаткер диаспорамен байланыс жөніндегі Еврей агенттігіне басшылық етеді. Оның әкесі Хаим Герцог та 1983-1993 жылдар аралығында Израиль президенті болған. Қазіргі мемлекет басшысының өкілеттігі 9 шілдеде аяқталуы тиіс.

Израильде президенттік өкілеттікті орындаудың жеті жылдық мерзімі белгіленген. Мұнда мемлекет басшысы лауазымын екі рет атқаруға болмайды. Егер депутаттардың төрттен үш бөлігі импичмент үшін дауыс берсе, парламент президентті қызметінен шеттете алады.

Израиль президенті заң бойынша Кнессет депутаттарының біріне парламенттік сайлау қорытындылары бойынша үкімет құруды тапсырады, сондай-ақ өкілдік функцияларды орындайды. Қабылданған заңдарға қол қояды және кешірім жасауға құқылы.

"The Qazaq Times"