گرۋزيانىڭ ەكس-پرەزيدەنتى ميحايل سااكاشۆيلي نەگىزىن قالاعان وپپوزيتسيالىق «ءبىرتۇتاس ۇلتتىق قوزعالىس» پارتياسى پارلامەنتتە جۇمىسىن باستادى. بۇعان دەيىن پارتيا بيلىككە جەتى اي بويىنا بويكوت جاريالاعان. بۇل تۋرالى پارتيا توراعاسى نيكا مەليا مالىمدەدى.
اتالعان پارتيا 2020 جىلدىڭ كۇزىندە وتكەن پارلامەنتتىك سايلاۋدىڭ قورىتىندىسى بويىنشا 36 ماندات العان. بىلتىر قاراشادان باستاپ پارتيا مۇشەلەرى باسقا وپپوزيتسيالىق پارتيالارمەن بىرگە داۋىس بەرۋ ناتيجەلەرىن مويىنداۋدان باس تارتتى جانە زاڭ شىعارۋشى ورگاننىڭ جۇمىسىنا بويكوت جاريالادى.
23 اقپاندا پارتيا توراعاسى مەليا 2019 جىلعى ماۋسىمداعى ميتينگتەگى تارتىپسىزدىك بويىنشا 40 مىڭ لاري (12 مىڭ دوللاردان استام) كەپىل تولەمەگەنى ءۇشىن قاماۋعا الىندى. پارتيا باسشىسىنىڭ تۇتقىندالۋى ساياسي داعدارىستى ودان ءارى ۋشىقتىردى.
10 مامىردا ەۋروپالىق قوردىڭ ارالاسۋىنان كەيىن ول بوستالدى. كەيىننەن مەليا ەل ايماقتارىنداعى پارتيا مۇشەلەرىمەن كەزدەسۋلەر وتكىزدى. كيەۆتە سااكاشۆيليمەن كەزدەسىپ، بويكوتتى توقتاتۋ تۋرالى شەشىم قابىلدادى.
18 ساۋىردە ەۋروپالىق كەڭەستىڭ باسشىسى چارلز ميشەل گرۋزيانىڭ ساياسي كۇشتەرىنە تىعىرىقتان شىعۋ جونىندە كەلىسىم قۇجات ۇسىندى. بىراق «ءبىرتۇتاس ۇلتتىق قوزعالىس»، «ەڭبەك پارتياسى» جانە «ەۋروپالىق گرۋزيا – بوستاندىق قوزعالىسى» پارتيالارى قۇجاتقا قول قويۋدان باس تارتتى.
ەۋروپالىق كەڭەس ۇسىنعان قۇجات بويىنشا ەگەر بيلەۋشى پارتيا الداعى كۇزدە جەرگىلىكتى بيلىك ورگاندارىنا سايلاۋدا 43%-دان از داۋىس جيناسا، وندا 2022 جىلى مەرزىمىنەن بۇرىن پارلامەنتتىك سايلاۋ وتەدى. سونىمەن قاتار 2019 جىلى ماۋسىمدا ميتينگتەگى تارتىپسىزدىك تۋرالى ءىس بويىنشا بارلىق ادامدارعا راقىمشىلىق جاسالماق.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟