![](https://qazaqtimes.com/kk/content/uploads/2018/10/1018335948-800x480.jpg?token=58f1fdade3bb1f837da1ae662f7a622f)
گرۋزياداعى مەملەكەتتىك مەكەمەلەر مەن تەلەارنالار اۋقىمدى حاكەرلىك شابۋىلعا ۇشىرادى. حاكەرلىك شابۋىل ەكى مىڭنان استام رەسۋرسقا جاسالعان، ولاردىڭ اراسىندا جەكەلەگەن كومپانيالار، ۇكىمەتتىك ەمەس ۇيىمداردىڭ سايتتارى دا بار.
كيبەر-شابۋىل سوت تارماعىنا قاتىستى سايتتارعا دا جاسالعان. حاكەرلەر سايتتاردىڭ بەتىنە گرۋزيانىڭ بۇرىنعى پرەزيدەنتى ميحايل سااكاشۆيليدىڭ سۋرەتىن قويىپ، «مەن قايتىپ كەلەمىن» دەگەن ءماتىن قالدىرعان. ال، حاكەرلىك شابۋىل ارقىلى جاسالعان كەدەرگىدەن كەيىن ەلدەگى ەكى ءىرى تەلەارنا ەفيردى ۋاقىتشا توقتاتۋعا ءماجبۇر بولعان.
«يمەدي» ارناسى ءوزىنىڭ الەۋمەتتىك جەلى پاراقشاسىندا جاساعان مالىمدەمەسىندە حاكەرلىك شابۋىل بايلانىس سيگنالىن ءۇزىپ تاستاعانىن، تىكەلەي ەفيرگە شىعۋعا امالسىز قالعاندارىن، ءتىپتى مونتاج جاساۋعا ارنالعان كومپيۋتەرلەر دە ىستەمەي قالعانىن جازعان.
ەلدىڭ ىشكى ىستەر مينيسترلىگى كيبەر-شابۋىل تۋرالى تەرگەۋ-تەكسەرۋ جۇمىستارىن باستادى. الايدا، قازىرگە دەيىن انىق ەشتەڭە ايتا الماي وتىر. ال، سول ەلدەگى BBC تىلشىلەرى بولسا ءوز حابارلارىندا شابۋىلدىڭ ارتىندا رەسەي تۇرعان بولۋى مۇمكىن دەگەن بولجامدارىن ايتقان.