فوتو: اشىق دەرەككوز

وتكەن تاۋلىكتە قازاقستاندا كوروناۆيرۋستىڭ 1 739 جاڭا جاعدايى تىركەلىپ، 32 ادام قايتىس بولعان.

قاراعاندى وبلىسىندا – 319 جاڭا جاعداي، الماتىدا – 310, استانادا – 293, اقمولا وبلىسىندا – 130, الماتى وبلىسىندا – 96, پاۆلودار وبلىسىندا – 87, باتىس قازاقستان وبلىسىندا – 87, شىعىس قازاقستان وبلىسىندا – 75, اتىراۋ وبلىسىندا-64, شىمكەنتتە – 62, ماڭعىستاۋ وبلىسىندا – 46, قوستاناي وبلىسىندا – 40, سولتۇستىك قازاقستان وبلىسىندا – 39, اقتوبە وبلىسىندا – 36, تۇركىستان وبلىسىندا-24, جامبىل وبلىسىندا – 21, قىزىلوردا وبلىسىندا – 10 ناۋقاس تىركەلگەن.

جالپى ەلدە ينفەكتسيانىڭ 378 311 جاعدايى راستالدى.

قازاقستان بيلىگى كوروناۆيرۋس پنەۆمونياسىنا شالدىققانداردى Covid ستاتيستيكاسىنا ەنگىزبەگەن. بىراق حالىقارالىق ۇيىمنىڭ قىسىمىمەن بىلتىر 1 تامىزدان بەرى ەسەپكە الا باستاعان. سودان بەرى 54 837 ادامعا كوروناۆيرۋس پنەۆمونياسى دياگنوزى قويىلعان. 3349-ى قايتىس بولعان.

وسى اپتادا دەنساۋلىق ساقتاۋ ءمينيسترى الەكسەي تسوي ەلدە ەپيدەميولوگيالىق احۋالدىڭ تۇراقتالعانىن ايتقان. قازىر اتىراۋ، اقمولا، قاراعاندى وبلىستارى، الماتى مەن استانا «قىزىل ايماقتا» تۇر. پاۆلودار، باتىس قازاقستان وبلىسى، اقتوبە وبلىسى، قوستاناي وبلىسى، سولتۇستىك قازاقستان وبلىسى «سارى ايماقتا» تۇر. قالعانى وبلىستار «جاسىل ايماقتا».

"The Qazaq Times"