اقش پرەزيدەنتى دجو بايدەن سولتۇستىك كورەيا باسشىسى كيم چەن ىنمەن كەزدەسۋگە قاتىستى شارت قويدى.

اق ءۇي باسشىسى وڭتۇستىك كورەيا پرەزيدەنتى مۋن چجە يننىڭ ۆاشينگتونعا جاساعان ساپارى كەزىندە وسىلاي دەپ مالىمدەدى. ەكى مەملەكەت باسشىسى اراسىنداعى كەلىسسوزدە تالقىلانعان باستى تاقىرىپ – پحەنياننىڭ يادرولىق باعدارلاماسىنا قاتىستى بىرلەسە قيمىل جاساۋ.

بايدەننىڭ ايتۋىنشا، كورەيا تۇبەگىن يادرولىق قارۋدان ازات ەتۋ بويىنشا ناقتى قادامدار كەلىسىلگەننەن كەيىن عانا ول كيم چەن ىنمەن كەزدەسۋگە دايىن بولادى.

امەريكانىڭ بۇرىنعى پرەزيدەنتى دونالد ترامپ پەن سولتۇستىك كورەيا باسشىسى كيم چەن ىن سوڭعى جىلدارى ءۇش رەت كەزدەسكەن. ەكى ەل تاريحىندا بۇعان دەيىن مەملەكەت باسشىلارى كەزدەسىپ كورمەگەن. پحەنيان يادرولىق سىناقتارىن توقتاتقان، بىراق جويقىن قارۋدان ارىلۋ تۋرالى كەلىسىمگە كەلە المادى.